2 Coríntios 11:1 - Kashinawa : Diosun Jesúswen taexun yuba bena yiniki

¹ Jaska janchai en patapamisdan, tenetan man ea ninkatidumenkain. Jaskakidi en matu yuiai ea ninkakanwen.

Kaxinawá Bíblia (BR)

¹ Haska hãtxai ẽ patapamisrã, tenetã mã ea nĩkatirumẽkaĩ. Haskakiri ẽ matu yuiai ea nĩkakãwẽ.

2 Coríntios 11:1 Referans Kwoze

1 Coríntios 1:21

Jaska inun, yuda betsa betsapa unanepabiakin Dios unanbumaken nukun Epa Diosun dasibi unanjaidakin kakape nuku jatu yusinmaya ichapabun danankin: “Tatima ikanikiki!”, ibiaibun nun matu yusianyan Cristo man ikunwainbu jawenabu Diosun matu waniki, niti akamadan. Jaskakin man shinan betsa watan ikunwanyan matuwen Dios benimakunkainikiki.

2 Coríntios 11:21

Jakia nukudan, ja dukun matu anu kai taeidan, nun babu kaintanyamaki, dakekin jaska yuitimabiaken en matu yuiaidan. Jakia natian betsabun jancha kushipawen matu jancha wamis keska wakin eandi natiandi en jancha tatima kushipawen en matu yuiaii.

2 Coríntios 11:19

Ja inun, matu unanepabia tatimabu janchai benimakin nemama man jatu ninkamiski.

2 Coríntios 5:13

Nun patapa unainsmapa keskabukiaki. Jakia bechipaikin nun Dios duawaibu yuda betsabun nuku uinkin jaska nun dayamis ninkama yuikin: “Pablo inun jabetan yusinmisbu patapa unainsmapabuki”, ikaibudan, jaskakin Dios nun duawamis yuda betsabun unanbumaki. Jatuwen nuiyamakanwen. Ja inun, yuda betsabun nuku uinmisxun nukukidi yuikin: “Xabakabi jatu yusinkanikiki”, man imisbudan, matu medabewanun, iwanan, nun akubainaii.

Hebreus 5:2

Jamen yuda betsa imis keskai Diosbe judiobu janchaxunika xanen ibu tibitun ibubis mekei peama kanemisbuwen taea jaska shinain jatuwen nuidiatidubuki, unandiabuma inun chakabuwakin kaneaibuwenan.

2 Coríntios 12:11

Jaska tatimai en keain en jawaumaki. Jakia man ea kenwanma danainbuwen taea ibubis kenkin en matu jaska yuiaii. Ja unanepabu padananankin bemakis matu uinmakin jaska ekidi jawauma matu yuimisbudan, jatun jawawen ea binutidubumaki.

1 Coríntios 4:10

Nukudan, ¿man jaskada nukukidi shinain? Cristowen taea nun tatinmakenan, jakia matudan, Cristowen taea man unanepakiaki. Jamen nukudan, nun babuki. Jakia matudan, man kushipakiaki. Nukudan, nuku ichakawakanikiki, nukuki meseamadan. Jakia matudan, matu kenwain matuki mesemisbukiaki.

1 Coríntios 4:8

Jaska inun, matun shinankin: “Dasibi unain jamapai Diosun jawenabu inanmis jaya nun ma xanen ibubuki”, iwanan, ea Pablo inun Apolos man nuku ana shinanma jaskayadan, chanima kayabi matumebi man xanen ibu mentsisipa kayabiayadan, ana nuitapama nun daka matube xanen ibuxanti.

1 Coríntios 3:18

Betsa betsapabu man unanepakatsis ikaii. Jakia jaska unanepabun ibubis shinankin kanemis Diosun bechipaismaki. Man ibubis kein unanepaibudan, matun shinan danantan ana kenkin jaska shinanma chintuntan jaska Diosun bechipaiai keskai unanepa kayabikubainkanwen.

Hechos 26:29

Pablon ana yuikin: —Jawaida kasmai chipu kasmai mia inun dasibibun natian jabun ea ninkaibu en ikunwain keskakin man Jesús jaibu wadianun Diosun jau matu kenadianunwen, jakia na en ika keskai mane dispiwen matu tsuan menexamadan— jatu wa

Hechos 18:14

judio xanen ibubu nemanun ika Pablo janchayupanan xanen ibu Galiónen jatu kemakin: —Judiobuun, na jaska man ea jakidi yuiaidan, na junin jawada chakabu washina kasmai juni deteshinken en matu ninkakeanaii.

Mateus 17:17

Jesúsun mapuabu jatu yuikin: —Ikunwainsbuma inun chakabubuun, ¿jatiki matu medabewai ana en matube jiweyuxanai? Nedi iwekanwen, ja bakedan— aka