1 Timóteo 1:13 - Kashinawa : Diosun Jesúswen taexun yuba bena yiniki

¹³ Ja dukunan, Jesucristokidi chakabu yui jaki xechakakin ja ikunwainbu danankin en jatu ichakawayuniki. Jaskati dabanen Jesucristo en ikunwandiama jaska en shinain inun jaska en akubainai Dios en benimawai dabanen en ibiaya ja en kaneaiwen taea Dios ewen nuichakayamaniki.

Kaxinawá Bíblia (BR)

¹³ Ha dukunã, Jesus Cristokiri txakabu yui haki shetxakakĩ ha ikũwaĩbu danãkĩ ẽ hatu itxakawayuniki. Haskati dabanẽ Jesus Cristo ẽ ikũwãriama haska ẽ xinaĩ inũ haska ẽ akubainai Deus ẽ benimawai dabanẽ ẽ ibiaya ha ẽ kaneaiwẽ taea Deus ewẽ nuitxakayamaniki.

1 Timóteo 1:13 Referans Kwoze

Hechos 8:3

Ja jatu jaska waibutian Saulo jawen jaibuaibubetan Jesús ikunwainbu ichakawakin jatun jiwe tibi anu jikixun juni inun ainbu ichapa paxadiabuma jatu achixun kainmakin jatu xadabainbainkin bichiti jiwe medan jatu bichimakin jabun Jesús ikunwainbu jakimawanun, iwanan, Saulon Jesús ikunwainbu yamawakin keyupai inikiaki.

1 Pedro 2:10

Ja inun, ja dukun Diosunama man inibuki. Jakia natian man ma Diosun enabuki. Ja dukun Dios matuwen nuiama ibiani na jabiatian matuwen Dios nuikiki.

Hechos 9:13

Ananíasin ninkatan Jesús yuikin: —Xanen Ibuun, Jerusalén anuxun minabu medibi min jatu wai ja junin mia jatu ichakanwanmiskidi ichapabun jakidi janchakin chakabu ea yuimisbuki.

Hebreus 4:16

Jaskaken jawada mei nun bika teneaitian jau nuku medabewanun Diosun kushipa shinankin jaki dateama ikunwain jaki chanikin ea akubainankanwen, jau nukun Epa Dios nuikipatun nukuwen dabanan ikin jawen duapawen nun nuitapai jau nuku medabewanunan.

Hechos 3:17

—Enabuun, Jesús ikunwankatsi ikama jawen kushipa unankin kayati wakin tapindiamabia matun xanen ibububetan ja juni unanma man tenainma chanima en unaiin.

Lucas 23:34

meneabun soldadobukidi Jesúsun yuikin: —Epaan, ea jaska waibudan, jawa jatu kupiyamawe, jawa unanma iki ikanikikidan— ikaya januxun soldadobun jawen beyustiwen maemanankin jawen tadi paxkanun iwanan: “¿Tsuan dukun jawen tadi bimenkain? Akanwen”, ikaibun

1 Timóteo 1:16

Ea en jaskabiaken Dios ewen dabanan ikin ea kupikatsi ikama jau Jesucristo ewen nuikin ea medabewakin jin jin ikin jawaida shinanbauns aismadan, ea uinmani jaska tsuabunda ea shinankin ewen taexun jabundi ea uinkin Jesucristo ikunwankin jiwea kayabi bixankanikiki.

Filipenses 3:6

Ja inun, Dios duawanun ixun Jesucristo ikunwainbu en jatu ichakajaidawayukubainiki, jaska dabanen en shinan en unanepaiwenan. Ja inun, Diosun Moisés yusini ikunwankin chibain jawa kaneama en pepajaidakunkainaya ekidi jawa chakabu tsuan yuitiduma inibuki.

Gálatas 1:13

Jaskati dabanen en Israelin babawen taexun judiobun beya dasibi chibankubainkin Jesús ikunwainbu badi betsatian en jatu ichakajaidawakin en jatu yamawakin keyukatsis ikai man ekidi ninkanibuki.

1 Coríntios 7:25

Jamen betsadan, beneyadiabumakidi man ea yukaima jaskakidi nukun Xanen Ibun ea yunuamabia ewen dabanan ikin ea duawa jawen kushipawen yununikai en chintuanmawen taexun matukidi jaska en shinain matu yusinun ninkaidakanwen.

Hechos 22:4

Uatianan, Dios dayaxunun, iwanan, tsuabunda Bai Bena Jesúskidi ikunwainbu jatu tenanun, iwanan, junibu inun ainbuaibu achixun bichiti jiwe anu jatu yunukin en jatu ichakajaida wakin en jatu nuitapa waniki.

Hechos 9:5

Saulon dateyabi yukakin: —Xanen ibuun, ¿min tsua ikai?— aka januxun ja jui taxniaitun Saulo ana yuikin: —Jabia ea ikunwainbu min ea jatu ichakanwainan, en eaki, Jesúsdan.

Hechos 9:1

Janua jabiatiandi Xanen Ibu Jesús ikunwainbuki pubenkin Saulon jatu ichakawakin tenankin jenediama jaskawen taea Diosbe jawenabu janchaxunika xanen ibujaida jatu binua anu Saulo kaxun

Lucas 12:47

Jaskaken tsuabunda jawen xanen ibun daya unan keyubiakin jaska bechipaiai akama inun chibanmawen taexun jatu kupijaidaxanikiki.