1 Pedro 5:8 - Kashinawa : Diosun Jesúswen taexun yuba bena yiniki

⁸ Inu keneya pintsikin yuinaka achitan pinun ika benabauni pubein janx janx iki tekeden tekeden imis keskakin diablo Satanásan matu bepadantan matu maemanun ixun benakubaundiaikiki. Jaskawen taea ibubis pe mekekin jamapai chakabu ana meama janun bestentan uindakubainkanwen.

Kaxinawá Bíblia (BR)

⁸ Inu keneya pĩtsikĩ yuinaka atxitã pinũ ika benabauni pubeĩ hãsh hãsh iki tekerẽ tekerẽ imis keskakĩ diabo Satanásã matu beparãtã matu maemanũ ishũ benakubaũriaikiki. Haskawẽ taea ibubis pe mekekĩ hamapai txakabu ana meama hanũ bestẽtã uĩrakubaĩkãwẽ.

1 Pedro 5:8 Referans Kwoze

Efésios 6:11

Diosun jawen mia mekeai nemati kushipa bikanwen. Ja jayatan man chintuanmaken diablo Satanásan matu padantidumaki.

Santiago 4:7

Jaskawen taexun Diosun medabewakin jau matu mekekubainun jaska bechipaiai axunkin chibankubainkanwen. Jaskai jen iyamakin diablo Satanásan matu chakabuwamakatsi ikaya: “Diosun ea mekeaya en mia ninkamaki. Tudi kadiwe”, man wakubainaya Diosun kushipaki datei Satanás paxaxanikiki.

Efésios 4:27

Man jaskabumaken Satanásan matu padankin kanematiduki.

1 Pedro 1:13

Jesucristo man ikunwainwen taea ana tatimama dasibi matun shinan mestenwantan jaskaki chiti itan dateyamakubainkanwen. Jesucristo ana juxanai manakakin Diosun jawen pepawen matu duawaxanai ikunwankin jaskakidi besti manayukubainkanwen.

1 Pedro 4:7

Janua na mai keyui ma kemaya ana tatimama matun shinanen pe mekei unanepai chanima kayabi Diosbe janchai jeneyamakubainkanwen.

Lucas 21:36

Jamen matunan, en jancha chibankin jeneama Diosbe badi tibi janchakubainxankanwen. Jaska mese tibi taxnixanai binutan man ma pewen taea janu matun Juchi Kayabi Iyua en matuki nukuaitian ea bebun man mapuxankanaii— jatu wanikiaki.

Lucas 22:31

Simón Pedro besti Jesúsun yuikin: —Simóon, Simóon, jawena matu wakatsis ikin xekiwan xaka tamisbu keska wakin matu unanti wanun, iwanan, Satanásan Epa Dios ma yukashinaki. Uindawe.

Tito 2:12

Jaska Dios nukuwen nuikin paxati nuku unanmakin yusiainan, jawen chakabu atimapa tibi inun jawen kemuti tibi na mai anuxun nun amis jawen kushipa pepawen nun chitetidubuki, natian jiwea bena bestiwen jiwekatsis ikin jawa ana shinan chakabuwen shinanma pe besti akin jaska Diosun nuku jiwemakatsi ikai jawen pepati akidan.

Apocalipse 12:12

Jaskawen taea nai inun man janu jiweabuun, benimadikanwen. Jakia man mai anu inun ianenwan anu jiweabuun, man peidakanwan. Satanás pubenjaidatun badi ichapama besti matu ichakawatidu shinain matu anu ma jadi butuaki”, jatu wa

João 8:44

Man jaskawen taeadan, matun ibudan, diablo Satanáski. Jaska shinain keska axunkin man bechipaimamiski. Jaska inun, bai taeni anua diablo Satanás puben detenan kain taeni ikunkainmiski. Ja inun, chanima jancha jayamawen taea chani chakakunkaindiamiski. Ja inun, chani chakanikawen taea chanin epaki.

Mateus 13:39

Ja inun, ja jaki sinatakin jexe chakabu sa axunmisdan, Satanáski. Ja inun, janu tsekatitian ixanaidan, ma mai jidabi keyuikiki. Ja jaskaitian mai anua jau yudabu bimi tseka keska wanunbun en nai tsumabu en jatu yunuxanaii.

Apocalipse 12:9

ja yushibu dunuwan jiwei taeni xeanan chani ewan yuda dasibibu jatu padankubainmis nun Diablo Satanás wamis jawen tsumabube mai anu jatu maemakin nidi akabun

Mateus 24:42

Jaskaken jatianda en ana juxanai man unanmabia jawa chikishama ea manakakin jeneyamaxankanwen.

Apocalipse 20:10

janu ja ian janu azufre pashinipa menui jede ji ji ikai anu yuinaka mese atimapajaida inun padan jancha yuixunika nai tsumabun udenibu anu Satanásdi udean jadia badidi inun meshu medan niti akama Diosun jatu isin tenemachakayamaxanikiki, jawa juindukunti jayama niti ikama akibi akinan.

Lucas 21:34

Jaska tibi kainxanaiwen taea matun juintinin kemu betsa betsapa mekin kaneama uindaxankanwen. Jawada chakabu aki juinti kushiyamaxankanwen. Eskaidan, paeanwen inun jawada matumebi man jaska shinainwens besti dabanan iki juinti nishmayamakubainxankanwen. Man jaskai jiweabun yudabu mai jidabi anu en jatu unanti watanun ika juaya bidun medan jikitan kebenmana keskama Diosunabu man paxaxanaii.

Tito 1:8

Eskabu min jatu atiduki. Ninkawe, bai mapuabu inun ikunwainbu beaibu jatu itan duawamisbu inun, jawada pepa besti ikaibu bechipaimisbu inun, jawada adiama pe shinanmisbu inun, jawada janchatan kanekatsi isbuma inun, duapai Dioski datemisbu inun, jatun jiwea pe mekekubainmisbudan.

2 Timóteo 4:17

En jaibuaibun ea jenebiabainabun jawen binuti Jesucristokidi jawen kaka pepa jawen paxatikidi en jatu yui keyuaya judiobuma dasibibun jau ninkanunbun nukun Xanen Ibun ea jeneama ea kushipa waxun jatu daewakin mese anua ea piskumaimaki, ea jaska nukun Xanen Ibun jatu binumakin inu keneya pintsi kexea keska anua ea binumakinan.

Tito 2:6

Ja juni ewabu inun bedunanbu jau jatun shinan pe mekekubainunbun

Tito 2:2

Juni ewabu jatu medabewakatsis ikin yusinkin, jau padanananma jancha kayabi besti yuikubainunbun, inun jatun jiwea pe jau mekenunbun, inun jau jatun shinan pe mekediakubainunbun inun, Jesucristokidi ninkatan jau chiban pewanunbun inun, nui jau bechipainamenunbun inun, jawada bika betsa betsapa mei jau kushipakin binukubainunbun jaskakidi jatu yuikubainwen.

1 Timóteo 2:15

Jakia ainbuaibun Jesucristo ikunwain pe jiwei betsabuwen nui duanamekin jaska Diosun bechipaiai axuin medibikin chibankubainaibudan, tsuanda bake bitan jatuwen nuikin pe yumewakubainmisbudan, Diosun ja ainbuaibu mekekubainxanikiki.

Apocalipse 20:2

Ja nai tsuma jukidanan, yushibu xeanan ja dukun dunutan padananain taeni jawen kena dabe Diablo inun Satanásdan, achixun mane dispiwen nexatan 1,000 año

Tito 2:4

Jaska wakin chipash beneyabu yusinkin jau jawen bene bechipainunbun inun jau jawen bakebudi bechipaikin duawakubainunbun jatu unanmakin jatu yusinkubainwen.

1 Timóteo 3:11

Jabiaskadi wakin ainbuaibudi medabewanika katukatsis ikinan, jakidi pe shinain jaki kaxeisbuma inun, jatun chani tuekin jatu ninkamaisma inun, patapai kaxeisbuma inun, dasibi jawen pepa jatu uinmakubainmisdan, jaska keskabu besti akubainkanwen, katukinan.

1 Timóteo 2:9

Ja inun, jabiaskadiai ainbuaibun ikunwain mapuadan, jawenduaxun junibu kemumama inun jatun yudaki bachi jawen kemumati jatu shinainbu jau saweyamanunbunwen. Bu chunpia inun mane ichapa inun bachi kadujaida jaska bestiwen jau jawenduayamakubainunbunwen.

Mateus 4:1

Jabiatiandi jau diablo Satanásan unanti wanun, iwanan, janu tsua jiweabumanu Diosun Yushin Pepatun Jesús nimakin iyua

1 Timóteo 3:2

Na eska yunua daya bidan, jau eska tibi ikubainunbunwen. Duapa jakidi chakabu yuisbuma inun, ainyankatsi ikin ainbu bitan jeneisma betsawen kemuisma inun, jawen jancha kayabi binumakin kaneama pe shinankin akubainmisbu inun, jaki kaxeisbuma inun, bai mapuabu jatu itan jatu uxanmisbu inun, yusinanain pekunkainmisbu itidubuki.

Mateus 25:41

januxun jawen yusmaudiabu mapuabudi yuikin: “Matu man chakabubudan, man enabumaki. Tudi budikanwen. Jaskawen taea matunamabia janu chi nukaisma anu diablo Satanás inun jawen nai tsuma chakabubube yumankin tenekubainxanaibu anu matudi budikanwen.

Mateus 4:11

januxun Satanásan jeneyubainaya Diosun nai tsumabu bexun Jesús medabewakin duawanibukiaki.

Marcos 4:15

Ja jexe betsa jawen kati bai namaki nidi ikadan, yudabun Diosun jancha ninkabiaibun jamakidia Satanás juxun jawen jancha pepa ninkatanais mebinmiski, jakimawakinan.

Apocalipse 12:10

janua jui kushipa nai anua kaiain en ninkaya yuikin: “Nukun betsabu jabun ikunwainbu badidi inun meshu medan Dios bebunxun nuku jatu chitenkin yuanmis ma putabuki. Pejaidaki. Natian Dios xanen ibuaya jawen bake Mesías Cristo jabe xanen ibukin jatun kushipajaidawen nuku mekekin taewakanikiki, ja yaushikin ana tsua benutimadan.