1 Coríntios 3:8 - Kashinawa : Diosun Jesúswen taexun yuba bena yiniki

^8-9 Jamen matudan, Diosun jawen kakape jexe banamis keska man jawen baiki. Jakia nukudan, nun bai anu dayai keskakin nuku dasibibun nun Dios medabewakubainaii. Betsabun kakape banai inun betsabun nashimabiaya jamapai daya nuku yunua dasibibun nun pe akubainaiwen taexun Diosun nuku pakakin manakuxanikiki, nukun daya tibi pepawenan. Junibun jiwe wamis keska wakin Diosun matu wakatsis ikin

Kaxinawá Bíblia (BR)

^8-9 Hamẽ maturã, Deusũ hawẽ kakape heshe banamis keska mã hawẽ baiki. Hakia nukurã, nũ bai anu dayai keskakĩ nuku dasibibũ nũ Deus merabewakubainaii. Betsabũ kakape banai inũ betsabũ naximabiaya hamapai daya nuku yunua dasibibũ nũ pe akubainaiwẽ taeshũ Deusũ nuku pakakĩ manakushanikiki, nukũ daya tibi pepawenã. Hunibũ hiwe wamis keska wakĩ Deusũ matu wakatsis ikĩ

1 Coríntios 3:8 Referans Kwoze

Romanos 2:6

Jaska yudabu tibi jiwexun amisbuwen taexun Diosun jatu kupia akeakeaxanai matu yuinun ninkaidakanwen.

2 João 1:8

Jesús ikunwankin jawen daya nun amiswen taexun jau matun pepawen Diosun matu manakuxanai man bixanai benukatsi ikamadan, chintuanma ja padananainbu jatu uindakubainkanwen.

Mateus 16:27

Jamen en matun Juchi Kayabi Iyuadan, en Epan kushipaya Xanen Ibui jawen nai tsumabube ana juxun tsuabunda ea chibain jiwei pemisbu inun chakabumisbu jabu tibi en jatu manakuxanaii, pepa inun chakabuwenan— iwanan

Apocalipse 22:12

Jesúsun ana ea yuikin: “Uian. En samama ana kaxanaii. Kakinan, jatun manakuti tibi en jatu buxunxanaii, jaska tibi jiwemisbu keska jatu inain kaidan.

1 Coríntios 15:58

Jaskaken en betsabu inun en puibuun, jawada nukun Xanen Ibun matu yunua jeneama akin man jamen dayama man unainwen taea Jesús chibain chintuanma shinan betsa wama nukun Xanen Ibuki xukua pejaida dayakin apakekanwen.

1 Pedro 5:4

Janua mekenika kayabi Xanen Ibu Cristo juxun man jamapai binumisbu kupiti pepawen matu manakukin maiti jawendua keska chaputima matu inanxanikiki, Cristobe matu chaxakapawakinan.

Hebreus 6:10

Ja inun, Jesús ikunwainbu betsabu medabewai jatuwen nuikin bechipaikin man Dios bechipaikin Diosun jaska bechipaiai akin man benimawamiswen taexun jawa kanema matun pepadi jakimama matu duawakin matu jawa dananma idiaxanikiki, jaska natian man adiakubainaibuwenan.

Gálatas 6:4

Jakia jatiditun kenkin kanekatsi ikama pepa akubainmis unankin yuikin: “En pepaki”, iwanan, yuda betsa binumanun ixun shinantimaki.

1 Coríntios 3:14

Tsuada jiwe kushipa chin menuisma keska jiwemisbudan, jawa chin menuismawen taea jatun manakuti pepa bixankanikiki.

Apocalipse 2:23

Ja inun, ja ainbun jancha ninkamisbu tenankin en jatu yamawaxanaii. En jatu jaska waya dasibibun shinan inun jabun juinti en unanjaidamis jabun ea ikunwankin chibanmisbun chanima unanxankanikiki. Ja inun, jatidibun jaska jiwea bechipaimisbu unantan pepabu pepawen jatu kupikin chakabubu chakabuwen en jatu kupixanaii.

1 Coríntios 3:7

Matu yusinkin matun juintiki Diosun kakape en bana keska watanima miban nashima keska wakin Apolosin chanima matu medabewatanimaki. Jamen nuku dabedan, nun jawamaki. Jawen kakape matun juinti anu Diosun besti ewawakin yumewamiski. Jaskaken ja daya nun amisdan, nukunamaki. Epa Diosun daya bestiken ja besti kenwankubainkanwen.

1 Coríntios 4:15

Natian matun yusinan 10,000tun Cristokidi matu yusinbiaya ean dukun Jesús mekeakidi en matu yusintaniwen taea ea dukun en matun epa kayabi keskaki. Ea jakimayamakanwen.

1 Coríntios 9:7

Jakia soldadobu detenamei bukin ibubis jatun jamapai pakaisbumaki. Ja inun, uva bai anu dayakin jabun ja uva bimi pimisbuki. Ja inun, ina chaxu mekekubainmisbun jawen chuchu tsinitan amisbuki.

Gálatas 6:5

Jakia tsuanda jabun bika betsa betsapa man tenebiaidan, jas shinanma tenekubainkanwen. Jabiaskas nun jaya Diosun unainkiki.

Lucas 19:19

jadi yuikin: “Jaskakenan, miandi 5 mae jati mekei ea xanen ibuxunyuwe”, adiaya