1 Coríntios 15:18 - Kashinawa : Diosun Jesúswen taexun yuba bena yiniki

¹⁸ Jaska inun, Cristo besteanma iniken Cristo ikunwainbu jamen mawatan benukeankanaii.

Kaxinawá Bíblia (BR)

¹⁸ Haska inũ, Cristo besteãma inikẽ Cristo ikũwaĩbu hamẽ mawatã benukeãkanaii.

1 Coríntios 15:18 Referans Kwoze

Apocalipse 14:13

Januxun nai anuxun jui betsa taxnikin ea yunukin: “Na jancha kenediwe. Na jabia unudi pakea nukun Xanen Ibuki dasitan mawakubainxanaibudan, Diosun jatu benimajaidawaxanikiki”, ikaya januxun Yushin Pepatundi ea yuikin: “Jabiaskaki. Jabudan, jatun daya jenetan juindukun bestixankanikiki. Ja inun, jamapai shadabu Cristo axunkubainmisbuwen Diosun jatu manaku bestixanikiki”, ea wai ninkakin jaskaxanaibu en uinxuki.

1 Tesalonicenses 4:16

Jakia Dios nai anua sai ikin jawen nai tsuma xanen ibu yunua jatun dasibibu ichawaya Diosun trompeta jawen nai tsuman chan chan akaya nai anua nukun mekenan Cristo butui xaba puchinin niken Cristo ikunwain mawanibu jabu dukun Diosun ana bestenwantan

1 Coríntios 15:6

Januadi jawen betsa Santiago jakidi nukutan Jesúsun kushipaya betsabudi jabukidi nukutan jatu uinmashinken janua jabun chibankin ikunwanmisbu midimajaida 500 binuabutikidi Jesús jatuki nukutan uinmadianikiaki. Jatidi ma debua inun ichapa jiwediayuabuki.

Hechos 7:60

janua danti ika dakaxun bis ikin jui kushipawen ana yuikin: —Xanen Ibuun, na ea chakabuwaibuwen taexun jatu kupiyamaxanwen— atan di iki mawanikiaki.

1 Tesalonicenses 4:15

Na eska matu yuikin jaska nukun Xanen Ibun nuku yusini matu yusinun ninkakanwen. Jesús ana juaya jaki nukui nun ikunwain jiweabu nuku dukun nun bebuama ixanaii.