Roma 13:9 - El Nuevo Testamento

⁹ Estos maga mandamiento de Dios “No comete imoralidad, no comete crimen, no roba, no desea cosas hende di ustedes,” y todo el maga otro mandamiento di suyo ta vene cae na un mandamiento lang y este amo: “Ama ustedes con el maga gente igual como ta ama ustedes con ustedes mismo.”

Roma 13:9 Referans Kwoze

Mateo 22:39

Y este amo el segundo mandamiento, que necesita kita ama con el di aton maga vecinos como ta ama kita canaton mismo.

Lucas 10:27

El maestro Judio ya contesta, “Ya lee yo que necesita kita ama con Dios el di aton Señor con todo el di aton corazon y alma y con todo el di aton fuerza. Y necesita kita ama tamen con el maga otro gente como ta ama kita el di aton mismo maga cuerpo.”

Marcos 12:31

El segundo mandamiento amo este, ‘Necesita kita ama con el di aton vecinos como ta ama kita canaton mismo.’ Nuay mas otro mandamiento mas importante que con este dos.”

Galacia 5:13

Si para con ustedes, maga hermano, Dios ya escoje con ustedes para tene libertad para no mas necesita sigui pa ese ley di Moises. Pero no tamen usa ese libertad como escusa para sigui lang el maga mal deseo del di ustedes naturaleza humano, sino ayuda y sirvi el uno con el otro con amor.

Lucas 18:20

Sabe gayot uste este maga mandamiento: no comete adulterio, no mata, no roba, no habla embusterias, y necesita honra con el tata y nana.”

Marcos 10:19

Sabe gayot tu este maga mandamiento de Dios: no mata, no comete adulterio, no roba, no habla embusterias acerca de otros, no engaña, y necesita honra con el di tuyo tata y nana.”