Roma 1:7 - El Nuevo Testamento

⁷ Poreso ta escribi yo con ustedes todo alli na Roma con quien Dios ta ama y con quien ya escoje le para tene fe con ele. Ojala que el di aton Dios Padre y el Señor Jesucristo ay dale con ustedes el di ila gran favor y paz.

Roma 1:7 Referans Kwoze

Colosas 1:2

Ta escribi came para con el maga gente de Dios quien amo el maga fiel creyente di Jesucristo na pueblo de Colosas. Ojala que el di aton Dios Padre ay dale con ustedes el di suyo gran favor y paz.

Efeso 1:2

Ojala que el di aton Dios Padre y el Señor Jesucristo ay dale con ustedes el di ila gran favor y paz.

1 Tesalonica 1:1

Este carta ta sale con Pablo, con Silvano, y con Timoteo. Ta escribi came con el maga creyente del Dios Padre y del Señor Jesucristo alli na pueblo de Tesalonica. Ojala que ay tene ustedes el gran favor y paz que el Dios Padre y el Señor Jesucristo ta dale.

2 Corinto 13:14

Ojala que el gran favor del Señor Jesucristo, el amor de Dios, y el amistad del Espiritu Santo ay esta siempre con ustedes.

2 Juan 1:3

Ojala que ay recibi ustedes el gran favor y lastima y el paz que ta dale si Jesucristo el Hijo del Padre Celestial, para ay sabe kita todo el verdad y para ay experiencia tamen el amor de Dios na di aton vida.

Filemon 1:3

Ojala que el di aton Dios Padre y el Señor Jesucristo ay dale con ustedes el di ila gran favor y paz.

2 Tesalonica 3:18

Ojala que ustedes alli ay tene el gran favor del di aton Señor Jesucristo.

2 Tesalonica 3:16

Ojala que el Señor con quien ta sale paz, ay dale paz con ustedes siempre, masquin cosa pa ay pasa. Y ojala que el Señor ay esta tamen siempre junto con ustedes.

El Revelacion 22:21

Ojala que el gran favor del Señor Jesucristo esta con ustedes todo. Amen.

Filemon 1:25

Ojala que el gran favor del Señor Jesucristo talli con ustedes.

1 Juan 3:1

Pensa ya lang ustedes si paquemodo gayot de grande el amor de Dios para canaton! Sabe kita que bien grande gayot el di suyo amor, cay ya hace ya le canaton maga anak di suyo y deverasan man kita anak di suyo. El maga hende-creyente nuay man nunca conoce con Dios, poreso no puede sila sabe que kita anak de Dios.

1 Pedro 1:15

sino vivi ustedes ahora conforme ta vivi Dios mismo, quien ya escoje con ustedes. Ele bien perfecto y sin pecado, y ansina tamen debe ustedes queda.

Tito 1:4

Ta escribi yo este carta para contigo, Tito, mi verdadero hijo na fe. Ese fe igual kita tiene. Ojala que el Dios Padre y si Jesucristo el di aton Salvador ay dale contigo el di ila gran favor y paz.

2 Timoteo 4:22

Ojala que el Señor ay esta siempre junto contigo. Y ojala que el gran favor del Señor talli con ustedes.

2 Timoteo 1:2

Ta escribi yo este para contigo, Timoteo, mi estimao hijo na fe. Ojala que el Dios Padre y si Jesucristo el di aton Señor ay dale contigo el di ila gran favor, lastima, y paz.

1 Timoteo 1:2

Ta escribi yo para contigo, Timoteo, mi verdadero hijo na fe. Ojala que el Dios Padre y si Jesucristo el di aton Señor ay dale contigo el di ila gran favor, lastima, y paz.

1 Tesalonica 5:28

Ojala que ustedes alli ay tene el gran favor del di aton Señor Jesucristo.

1 Tesalonica 4:7

cay Dios nuay escoje canaton para vivi un vida de imoralidad, hasta aquel pecado entre maga gente hende pa casao, sino para vivi un vida limpio y sin pecado.

1 Tesalonica 1:3

Ta habla came con el di aton Dios Padre acerca del di ustedes buen costumbre, cay ese amo el prueba del di ustedes fe. Y ta habla tamen came acerca del amor di ustedes que ta causa maga accion de caridad, y acerca del di ustedes esperanza con el di aton Señor Jesucristo, que ta causa con ustedes para aguanta na sufrimiento.

Colosas 3:12

Ustedes amo el maga gente devoto con Dios, cay ya escoje le y ta ama le con ustedes. Poreso necesita ustedes tene lastima, tene buen deseo para ayuda con el maga otro gente, tene amable corazon y paciencia, y no queda orgulloso.

Filipos 4:23

Ojala que el gran favor del Señor Jesucristo ay esta con ustedes alli. Amen.

Filipos 4:20

El honor y alabanza con el di aton Dios Padre hasta para cuando! Amen.

Efeso 6:23

Ojala que el Dios Padre y el Señor Jesucristo ay dale con todo el maga hermano na fe el paz y amor, junto con el di ila fe.

Galacia 6:18

Maga hermano, ojala que el gran favor del di aton Señor Jesucristo ay esta con ustedes todo. Amen.

1 Corinto 16:23

Ojala que el gran favor di Jesucristo el di aton Señor ay esta con ustedes.

Roma 9:25

Este amo el maga palabra que antes pa Dios ya manda con Hosea escribi na Sagrada Escritura: “Ay habla yo con esos maga gente quien antes hende di mio, ‘Ahora di mio ya gayot ustedes.’ Y ay habla tamen yo con esos mismo maga gente con quien nuay yo nunca ama, que ahora ta ama gayot yo canila.

Roma 5:1

Ahora Dios ta considera canaton como si fuera nuay kita pecado cay ta tene kita fe con Jesucristo el di aton Señor, y por causa de ese fe puede kita tene buen relacion con Dios.

Maga Apostoles 15:23

Ya lleva sila este carta, y ansina el que ta habla: “Came maga apostoles y el maga oficial del iglesia pati el maga otro creyente aqui na iglesia de Jerusalem, ta saluda con ustedes maga hende-Judio na Antioquia, Siria, y Cilicia.

Colosas 3:15

Permiti que el paz si Jesucristo ta dale ay controla el di ustedes maga corazon. Cay Dios ya escoje con ustedes para tene ese paz y para queda como un solo cuerpo, lleno de harmonia. Y siempre dale gracias con Dios.

Filipos 4:13

Ta puede yo hace todo las cosas cay si Jesucristo amo ta dale fuerza conmigo.

Roma 8:39

ni masquin cosa clase de poder na mundo arriba o abajo. Nuay nada aqui na creacion puede hace separa canaton del amor de Dios que tiene kita por medio di Jesucristo el di aton Señor.

Roma 1:6

Ustedes alli na ciudad de Roma incluido tamen con quien Dios ya llama para queda el maga creyente di Jesucristo.

El Revelacion 2:1

Despues ya habla le conmigo, “Escribi con el angel del iglesia na Efeso, y habla tu con ele: “El quien ta agarra el siete estrellas na su mano derecha y ta camina entre el siete lampara de oro ta habla este maga palabra:

Santiago 1:1

Este carta ta sale con Santiago, un servidor de Dios y del Señor Jesucristo. Ta saluda yo con todo el maga creyente Judio quien ya man calayat na entero mundo.

Juan 20:17

Despues ya habla si Jesus con ele, “Maria, no mas agarra conmigo. Nuay pa yo subi alla con mi Padre na cielo. Anda ya avisa con el di mio maga dicipulo y habla canila que cerca ya yo volve con el di mio Padre quien el di ila Padre tamen, y ele el di mio Dios y el Dios tamen di ila.”

Mateo 5:16

Poreso manda mira el di ustedes lampara con el maga gente, quiere decir puede sila mira el di ustedes buen trabajo y despues ay dale sila alabanza con el di ustedes Padre na cielo.

El Revelacion 3:22

“Si quien quiere aprende, necesita oi enbuenamente si cosa el Espiritu Santo ta habla con el maga gente na maga iglesia!”

El Revelacion 3:14

“Escribi con el angel del iglesia na Laodicea y habla tu con ele: “Este amo el maga palabra del persona con quien ta llama el nombre si Amen, el testigo deverasan bien fiel. Ele el origin donde ya sale todo el maga creacion de Dios.

El Revelacion 3:7

“Escribi con el angel del iglesia na Filadelfia y habla tu con ele: “Este amo el maga palabra del persona con quien puede ustedes confia cay ele bien santo y justo. Tiene le el llave di David, y si cosa le ta abri nuay ningunos ay puede cerra ese, y si cosa le ay cerra nuay ningunos ay puede abri.

El Revelacion 2:29

“Si quien quiere aprende, necesita oi enbuenamente si cosa el Espiritu Santo ta habla con el maga gente del maga iglesia!”

El Revelacion 2:18

“Escribi con el angel del iglesia na Tiatira y habla tu con ele: “Este amo el maga palabra del Hijo de Dios que tiene ojos arde como fuego y su pies ta arde como metal na horno.

El Revelacion 2:12

“Escribi tamen con el angel del iglesia na Pergamo y habla tu con ele: “Este amo el maga palabra di suyo quien tiene espada agudo de dos pilo. Ele amo el quien ta habla con ustedes.

El Revelacion 2:8

“Escribi tamen tu con el angel del iglesia na Smirna y habla con ele: “Este el maga palabra di suyo quien amo el principio y el fin, quien ya muri y ya vivi ole.

1 Timoteo 6:2

El maga creyente esclavo quien tiene maga amo creyente no debe desprecia con el di ila maga amo, cay hermano sila na fe, sino debe sila sirvi canila mas enbuenamente, cay el di ila trabajo ta dale provecho con el amo creyente con quien sila ta ama. Timoteo, necesita tu enseña y predica todo el maga cosas que ta escribi yo contigo.

Maga Apostoles 9:13

Despues ya habla si Ananias, “Señor, mucho gente ya habla conmigo acerca de ese gente y cuanto maldad gayot ya hace le con el di uste maga siguidores alla na Jerusalem.

Roma 5:5

Y por medio del di aton esperanza con Dios, sabe kita que Dios hende ay deja canaton desconsolao, cay ya pone le el di suyo grande amor na di aton maga corazon por medio del Espiritu Santo que ya dale le canaton.

Roma 8:28

Sabe kita que Dios ta trabaja junto con aquellos quien ta ama con ele, para todo el maga cosas ta pasa canila ay causa le tene buen resulta.

1 Corinto 1:24

Pero el mensaje acerca di Jesucristo amo el poder y el sabiduria de Dios para con el maga Judio y el maga hende-Judio quien ta cree ya y con quien Dios ya escoje ya.

Filipos 1:2

Ojala que el di aton Dios Padre y el Señor Jesucristo ay dale con ustedes el di ila gran favor y paz.

1 Tesalonica 1:4

Maga hermano con quien Dios ta ama, sabe gayot came que Dios ya escoje con ustedes para tene salvacion,

2 Tesalonica 1:2

Ojala que el Dios Padre y el Señor Jesucristo ay dale con ustedes el di ila gran favor y paz.