Mateo 27:50 - El Nuevo Testamento

⁵⁰ Si Jesus ya grita ole con voz suena, despues ya muri ya le.

Mateo 27:50 Referans Kwoze

Juan 19:30

Despues de recibir el vino, ya habla le, “Acabao ya mi trabajo.” Ya agacha le, y ya entrega ya su alma con Dios.

Lucas 23:46

Despues si Jesus ya grita bien duro con Dios, “Padre, ta entrega yo el di mio alma na di uste mano.” Al acabar ele habla ese ya resulla le el di suyo ultimo resuello.

Hebreo 9:14

Si deverasan gayot ese acerca del sangre de animal, mas mejor el efecto del sangre di Jesucristo, quien ya ofrece con Dios el di suyo mismo cuerpo por medio del Espiritu eterna como un ofrenda perfecto. Y aquel sangre di suyo amo el mas efectivo para hace limpio el di aton conciencia para hende kita ay hace el trabajo de nuay sirve, sino ay sirvi kita con Dios quien hende nunca ay muri.

Marcos 15:37

Despues si Jesus ya grita bien suena, y ya muri le.

Mateo 20:28

Cay el Hijo del Hombre ya vene aqui na mundo para sirvi con otros y hende para otros ay sirvi con ele, y ya vene tamen le dale su vida para rescata el vida del mucho maga gente.”

Juan 10:11

“Yo amo el buen pastor, y el buen pastor ay otorga muri para salva con el di suyo maga carnero.

Hebreo 2:14

Siendo el maga gente con quien ta llama le el di suyo maga anak, tiene carne y sangre, entonces si Jesucristo ya queda tamen carne humano igual canila, y ya muri le na cruz para puede destrosa con Satanas quien tiene el poder para controla con el muerte.

Mateo 27:49

Pero tiene del otros ya habla, “Espera anay y mira dao kita si ay abaja ba si Elias para salva con ele.”

Juan 19:29

Tiene alla un tason lleno de vino ordinario, poreso ya hace sila tusmuk un esponja na vino. Despues ya pone ese na rama de hisop para alcansa na boca di Jesus.

Hebreo 5:7

Cuando si Jesucristo taqui pa na mundo, ya reza le con voz suena y con lagrimas y ya suplica con Dios quien puede salva con ele de murir. Y Dios ya oi el di suyo rezo cay si Jesucristo quiere gayot obedece el deseo de Dios.