Mateo 26:33 - El Nuevo Testamento

³³ Despues si Pedro ya habla con Jesus, “Masquin todo pa sila ay abandona con uste por causa del cosa ay sucede con uste, pero yo hende gayot!”

Mateo 26:33 Referans Kwoze

Lucas 22:33

Despues ya contesta si Pedro con Jesus, “Señor, ta otorga gayot yo sigui con uste masquin para na prision o masquin muri pa yo junto con uste!”

Filipos 2:3

No ustedes aventaja nada para el di ustedes interes lang, ni por causa del deseo para man orgullo, sino con humilidad considera tamen con el los demas gente. Y siempre considera ustedes que sila mas mejor que con ustedes.

Roma 12:10

Ama con uno y otro con devocion de hermano cay igual kita ta sigui con Cristo y ta dale mira que ta considera kita con el maga gente mas bueno pa que canaton mismo.

Marcos 14:29

Despues si Pedro ya habla con Jesus, “Masquin todo pa sila ay abandona con uste, pero yo hende gayot!”

Juan 21:15

Despues del di ila almuerzo, si Jesus ya principia conversa con Simon Pedro, y ya habla, “Simon, hijo di Juan, ta ama ba tu conmigo mas que con este maga otro dicipulo?” Ya contesta le, “Si, Señor, uste sabe que ta ama yo con uste.” Ya habla si Jesus con ele, “Cuida con el di mio maga carnero diutay.”

Mateo 26:32

Pero al resucitar yo ay man una yo anda con ustedes na Galilea.”

Mateo 26:34

Y ya habla si Jesus con ele, “Pedro, ta habla gayot yo que este mismo noche, antes de cantar el gallo, ay nega gayot tu tres veces que tu no conoce conmigo.”