Mateo 24:35 - El Nuevo Testamento

³⁵ El cielo y el tierra ay desaparece gayot, pero nuay ni uno del di mio maga palabra ay perde.

Mateo 24:35 Referans Kwoze

1 Pedro 1:25

pero el mensaje del Señor permanente gayot hasta para cuando.” Y ese mensaje amo ya el Buen Noticia que ya predica ya el maga servidor de Dios con ustedes.

Mateo 5:18

Ta habla gayot yo claro que mientras ta existi pa el tierra y el cielo, nuay ni uno del maga palabra na ley de Dios ay queda nuay valor hasta todo el cosa ta habla na ley ay cumpli gayot.

Tito 1:2

y ese verdad ta dale tamen esperanza de vida hasta para cuando. Dios, quien hende nunca ta habla embusterias, ya promete ese vida eterna antes pa del creacion del mundo.

El Revelacion 3:14

“Escribi con el angel del iglesia na Laodicea y habla tu con ele: “Este amo el maga palabra del persona con quien ta llama el nombre si Amen, el testigo deverasan bien fiel. Ele el origin donde ya sale todo el maga creacion de Dios.

El Revelacion 6:14

El cielo ya desaparece igual como ya hace lucut, y todo el maga monte pati el maga isla ya sale na di ila maga lugar.

El Revelacion 20:11

Despues ya mira yo un trono blanco y grande y con el quien sentao alla. El cielo y el mundo no puede aguanta el di suyo presencia, poreso ya desaparece esos cay nuay mas lugar para de esos.

Marcos 13:31

El cielo y el tierra ay desaparece gayot, pero nuay ni uno del di mio maga palabra ay perde.

Lucas 21:33

El cielo y el tierra ay desaparece, pero nuay ni uno del di mio maga palabra ay perde.