Mateo 2:23 - El Nuevo Testamento

²³ Entonces en vez de andar canda Jose na Judea, ya anda sila na Nazaret, un pueblo na region de Galilea. Y por causa de ese ya cumpli gayot el cosa ya habla el maga profeta, “Ay llama con ele el Nazareno.”

Mateo 2:23 Referans Kwoze

Marcos 1:24

y ya grita le, “Jesus de Nazaret, cosa man uste quiere hace canamon? Ya vene ba uste para destrosa canamon? Conoce man yo si quien uste. Uste amo el quien ya sale con Dios.”

Mateo 26:71

Ya sale le dayun y ya anda na entrada del patio. Despues el otro ayudante mujer ya mira con ele, y ya habla con el maga miron alla, “Este gente bien lediao gayot con Jesus de Nazaret.”

Mateo 1:22

Todo ese ya sucede para cumpli el cosa Dios ya habla desde antes pa por medio di Isaias, uno del maga profeta,

Maga Apostoles 24:5

Cay ya observa came que este gente bien estorboso y ta hace trambulica entre el maga Judio entero mundo, y ele tamen ta encabeza el partido Nazareno.

Maga Apostoles 2:22

Ya habla tamen si Pedro, “Maga compoblano del nacion Israel, oi enbuenamente con este di mio maga palabra. Dios ya dale mira con ustedes su maga milagro, su maga trabajo estrañable, y su maga señales por medio di Jesus de Nazaret, y sabe ustedes ese cay ya sucede esos na presencia di ustedes.

Juan 19:19

Si Pilato ya manda ya escribi na caratula, “Si Jesus de Nazaret, el Rey del maga Judio.” Despues ya manda le clava ese caratula na cruz.

Juan 18:7

Ya pregunta si Jesus otra vez, “Con quien ba gayot ustedes ta busca?” Ya contesta sila, “Con Jesus de Nazaret.”

Juan 18:5

Ya contesta sila, “Con Jesus de Nazaret.” Ya habla si Jesus canila, “Yo ya man el mismo.” Si Judas quien ya traiciona con ele talla tamen parao junto con el grupo.

Lucas 2:39

Cuando el tata y el nana di Jesus ya acaba ya hace todo el maga cosas ta manda el ley de Dios, ya volve ya sila na Nazaret, un pueblo de Galilea.

Lucas 1:26

Cuando seis meses ya el barriga di Elisabet, Dios ya manda anda con el angel Gabriel na Nazaret, un pueblo na Galilea.

Mateo 21:11

Mucho gente quien ta sigui con Jesus ya contesta, “Este el profeta Jesus de Nazaret na Galilea.”

Marcos 1:9

Aquel maga dias ya sale si Jesus na sitio de Nazaret na provincia de Galilea, y si Juan ya bautisa con ele na Rio de Jordan.

Lucas 18:37

El maga gente cerca con ele ya habla, “Ta pasa si Jesus de Nazaret.”