Mateo 2:2 - El Nuevo Testamento

² “Donde man el bata quien ya nace para queda el rey del maga Judio? Ya mira came el estrellas alla na este que ta significa que tiene bata ya nace para queda el rey, y ya vene came para adora con ele.”

Mateo 2:2 Referans Kwoze

El Revelacion 22:16

“Yo si Jesus, ya manda anda con el di mio angel para anuncia con ustedes este maga cosas alli na maga iglesia. Yo el decendiente del Rey David. Yo amo el estrellas de la mañana bien claro.”

Juan 18:37

Despues si Pilato ya habla con ele, “Entonces rey gale uste.” Ya contesta si Jesus, “Uste ta habla que yo un rey. El rason ya nace yo y el rason ya vene yo na mundo amo para ay puede yo enseña acerca del verdad de Dios, y si quien quiere sabe este verdad, ele ay oi y obedece conmigo.”

Hebreo 1:6

Cuando Dios ya manda con su unico Hijo aqui na mundo, ya habla tamen le, “Todo el di mio maga angeles debe adora con ele.”

Lucas 23:38

Ta habla sila este cay arriba del cabeza di Jesus tiene un nota clavao na cruz, y ansina ese ta habla, “Este amo el rey del maga Judio.”

Lucas 23:3

Ya pregunta si Pilato con Jesus, “Rey ba uste del maga Judio?” Ya contesta le, “Amo gayot el cosa ta habla uste.”

Juan 5:23

Ya dale le ese derecho con el di suyo Hijo para todo el maga gente ay honra con el Hijo igual como ta honra sila con el Padre. Si quien hende ta honra con el Hijo, hende tamen ele ta honra con el Padre quien ya manda con ele aqui na mundo.

Juan 1:49

Despues ya habla dayun si Nataniel, “Maestro, uste amo el Hijo de Dios, el Rey del di aton nacion Israel.”

Lucas 19:38

y ta habla, “Bendicido el rey quien ta vene na nombre del Dios el Señor! Paz na cielo y honor con Dios quien ta queda na cielo!”

Lucas 2:11

Este mismo noche na pueblo del Rey David, ya nace el di ustedes Salvador, y ese amo el Cristo y el Señor.

Juan 9:38

Ya habla el estaba bulak, “O, Señor, ahora ta cree ya gayot yo con uste.” Despues ya hinca le en frente di Jesus.

Juan 19:19

Si Pilato ya manda ya escribi na caratula, “Si Jesus de Nazaret, el Rey del maga Judio.” Despues ya manda le clava ese caratula na cruz.

Juan 12:13

Poreso aquellos maga gente ya saca el maga palapa del palma y ya sale sila ole na ciudad de Jerusalem para hace encuentro con ele. Y ta grita que grita gayot sila, “Hosana! Bendicido el quien ta vene na nombre del Dios el Señor! Dios ta bendici con el Rey de Israel!”

Mateo 27:11

Ahora parao ya si Jesus na presencia del Gobernador Pilato, y ya pregunta le con Jesus, “Rey ba uste del maga Judio?” Ya contesta le con Pilato, “Uste man el ta habla ese.”

Juan 20:28

Ya contesta si Tomas con ele, “Uste gane mi Señor y mi Dios!”

Mateo 21:5

“Habla con el maga gente del ciudad de Zion, ‘Mira! Taqui ya el di ustedes rey. Nuay orgullo na su persona, y ta vene le muntao con el anak de un asno hende pa mansiao.’”

Mateo 2:3

Cuando el Rey Herodes ya oi acerca de ese, ya queda le bien estorbao, y el maga gente del ciudad de Jerusalem ya queda tamen estorbao.