Mateo 18:28 - El Nuevo Testamento

²⁸ “Pero cuando ya sale ya este mismo servidor, ya man encuentro le con uno del di suyo maga uban na trabajo quien tiene debe con ele un poco de cen, como cien denario. Y aquel servidor ya agarra con ese gente na pescueso y ta hace era cuga, y ya habla, ‘Hoy, paga dayun conmigo el di tuyo debe!’

Mateo 18:28 Referans Kwoze

Mateo 20:2

Cuando ya encontra le maga trabajador ya cede le paga canila un denario, el pago regular de un dia. Despues ya manda ya le canila anda para trabaja na su plantacion.

Mateo 18:27

Entonces ya tene man lastima su amo con ele, poreso ya perdona ya lang y ya libra con ele.

Mateo 18:29

Ya suplica su uban servidor con ele, ‘Dale anay conmigo poco tiempo, y ay paga man yo con uste.’

Marcos 6:37

Pero ya contesta si Jesus canila, “Ustedes ya lang dale come canila.” Ya contesta tamen el maga dicipulo, “Masquin ay compra pa kita el valor de dos cientos pesos de pan, hende pa kita ay puede dale come canila.”

Marcos 14:5

Siendo ay puede pa era le vende aquel perfume con buen precio como tres cientos denario, y aquel cen ay puede pa era le dale con el maga pobre.” Despues ya principia ya sila regaña con ese mujer.

Lucas 7:41

Entonces si Jesus ya pone con ele un cuento: “Tiene un gente quien ya dale presta cen con dos gente. El uno debe con ele quinientos pesos ya, el otro cincuenta pesos.

Lucas 10:35

Ala mañana ya dale le cen con el dueño del casa, y ya habla le, ‘Ñor, favor ya uste cuida con este gente y si cosa gasto pa ay tene uste, ay paga lang yo al birar yo ole.’

Juan 6:7

Ya contesta si Felipe con Jesus, “Masquin el sueldo pa de ocho meses hende pa bastante para compra el comida para cada uno di ila masquin un poco pa sila ay come.”