Mateo 15:8 - El Nuevo Testamento

⁸ ‘Este maga gente ta honra conmigo na di ila maga boca lang, y hende con todo el di ila maga corazon.

Mateo 15:8 Referans Kwoze

Maga Apostoles 8:21

Nuay tu derecho para tene parte de este trabajo, cay Dios sabe que el di tuyo pensamiento hende gayot honesto.

1 Pedro 3:10

Cay ta habla na Sagrada Escritura de Dios, “Un gente quien quiere queda alegre durante este vida y quiere vivi enbuenamente, necesita no habla malo. Y necesita le no habla embusterias.

Hebreo 3:12

Entonces maga hermano creyente, por causa del di ustedes mal pensamiento y desobediencia, tene cuidao para nuay ni uno di ustedes ay pone de detras con Dios, quien hende nunca ay muri.

Juan 1:47

Cuando si Jesus ya mira con Nataniel ta acerca ya con ele, ya habla le, “Taqui ya el Judio bien sincero, quien hende ta engaña ni con ningunos.”

Mateo 15:7

Ustedes maga doble cara! Deverasan gayot el cosa ya escribi el profeta Isaias acerca di ustedes cuando ya habla le,

Marcos 7:6

Ya habla si Jesus canila, “Ustedes maga doble cara! Deverasan gane el cosa ya escribi el profeta Isaias acerca di ustedes: ‘Este maga gente ta honra conmigo con el di ila maga boca lang, pero hende aquel con todo el di ila corazon.

Juan 5:23

Ya dale le ese derecho con el di suyo Hijo para todo el maga gente ay honra con el Hijo igual como ta honra sila con el Padre. Si quien hende ta honra con el Hijo, hende tamen ele ta honra con el Padre quien ya manda con ele aqui na mundo.