Lucas 24:4 - El Nuevo Testamento

⁴ Y mientras ta pensa pa sila si paquilaya ya perde el cuerpo di Jesus, derrepente lang ya abuya dos hombre cerca canila, y el di ila vestido ta brilla gayot.

Lucas 24:4 Referans Kwoze

Marcos 16:5

Y cuando ya entra sila na tumba, ya mira sila un joven sentao na lao derecha, vestido con ropa largo y blanco. Despues el maga mujer ya queda bien asustao.

Maga Apostoles 1:10

Mientras ta man viendo pa sila na cielo, ya abuya dayun dos gente vestido de blanco y ya para junto con el maga apostoles.

Lucas 2:9

Derrepente lang un angel de Dios ya aparece canila, y el resplandor que ta sale con Dios ya alumbra canila, y todo sila ya tene gayot miedo.

Lucas 24:5

El maga mujer ya tene gayot miedo, poreso ya agacha el di ila maga cara na tierra, pero el maga angeles ya habla canila, “Porque man ustedes ta busca con el gente vivo entre maga muerto?

Maga Apostoles 12:7

Derrepente ya abuya un angel del Señor y ya tene un claridad adentro del calaboso. Ya hace le lakpi na costao di Pedro para disperta, y ya habla, “Levanta pronto!” Despues ya sapa lang dayun el dos cadena na di suyo maga mano,

1 Timoteo 3:16

Y nuay quien puede nega si paquemodo de bien grande y bien hondo el sentido del di aton creencia acerca di Jesucristo: “Ele ya nace con cuerpo de gente, Y el Espiritu Santo ya dale mira que ele justo. El maga angeles ya mira tamen con ele. Tiene del maga gente ya predica acerca di suyo na maga nacion, Ya cree con ele el maga gente na mundo, y despues ya subi le na cielo.”