Lucas 13:22 - El Nuevo Testamento

²² Mientras ta camina si Jesus para na Jerusalem ta pasa le na maga pueblo y na maga barrio, y ta enseña le con el maga gente de ese maga lugar.

Lucas 13:22 Referans Kwoze

Lucas 9:51

Cerca ya el dia si Jesus ay bira na cielo, poreso ele ya decidi gayot anda na Jerusalem.

Mateo 9:35

Despues si Jesus ta anda visita na maga pueblo y na maga barrio, y alla ta enseña le na maga iglesia del maga Judio, y ta predica el Buen Noticia acerca del Reino de Dios. Y ademas ta cura tamen todo clase de enfermedad y debilidad.

Maga Apostoles 10:38

Ustedes ya sabe acerca di Jesucristo de Nazaret, con quien Dios ya dale el poder del Espiritu Santo. Y sabe tamen ustedes que si Jesus ya anda donde donde lugar para hace cosas bueno, pati ya cura tamen ele con aquellos controlao del maga demonio, cay Dios ta esta junto con ele.

Marcos 6:6

Ya estraña si Jesus cay falta gayot el fe del maga gente na di suyo mismo lugar. Despues ya anda si Jesus visita na maga otro barrio tamen para enseña.

Lucas 13:23

Un dia un gente ya pregunta con ele, “Señor, un poco lang ba gente ay puede queda salvao?” Ya contesta le con ele y con aquellos quien talla,