Juan 8:59 - El Nuevo Testamento

⁵⁹ Cuando ya acaba ya si Jesus habla ansina, el maga lider Judio ya pipina piedra, con el intencion de guerriar con ele, pero ya man su-ut le entre gente y ya sale na templo.

Juan 8:59 Referans Kwoze

Juan 11:8

Ya contesta el maga dicipulo, “Na, Maestro, nuay pa gane tarda el maga lider Judio quiere guerria piedra con uste. Porque man uste quiere pa bira alla?”

Maga Apostoles 7:57

Cuando el maga miembro del consejo ya oi ese, ya grita gayot sila con voz bien suena y ya tapa el di ila orejas y ya man tumpuk sila alla con Esteban.

Juan 18:31

Si Pilato ya contesta canila, “Na. Ustedes lang cuidao, entonces lleva ustedes con ele con el di ustedes maga lider y sentencia con ele acorde con el ley di ustedes.” Despues ya habla el maga lider Judio con Pilato, “Nuay came poder para sentencia con el maga gente para muri.”

Juan 12:36

Mientras taqui pa el luz, tene confianza con este luz, para ay queda ustedes dol maga anak de este luz.” Cuando ya acaba si Jesus conversa, ya sale le y nuay sila puede encontra con ele.

Juan 11:54

Poreso si Jesus nuay mas dale mira su cara na publico entre el maga gente de Judea, sino ya anda le na lugar cerca na desierto, y ya queda junto con el di suyo maga dicipulo na un pueblo que ta llama Efraim.

Juan 5:13

Pero el gente no sabe si quien ya hace bueno con ele, cay si Jesus ya puede ya man suk suk entre el manada de gente.

Lucas 24:31

Ese mismo hora ya abri le el di ila entendimiento y ya conoce gayot sila si quien ele. Despues ya perde le dayun na di ila vista.

Mateo 12:14

Pero el maga Pariseo ya anda afuera para planea si paquemodo sila ay puede mata con Jesus.

Juan 9:1

Mientras ta camina si Jesus, ya mira le un gente quien bulak ya desde el di suyo nacimiento.