Juan 7:43 - El Nuevo Testamento

⁴³ Por causa de aquel rason el maga gente ya queda dividido na di ila pensamiento acerca di Jesus.

Juan 7:43 Referans Kwoze

Juan 10:19

Cuando el maga lider Judio ya oi el cosa ya habla si Jesus, ya tene sila otro opinion.

Juan 9:16

Tiene del maga Pariseo ya habla, “El gente quien ya hace ese nuay sale con Dios, cay hende ele ta obedece el orden de no trabajar durante el dia de Sabado.” Pero otros tamen ya habla, “Si pecador ele, paquemodo man ay puede le hace este maga gran milagro?” Y de ese manera ta tene sila purpiajan.

Juan 7:12

Tiene alla mucho gente y ta man cucho cucho sila con uno y otro acerca di Jesus. Tiene di ila ta habla, “Buen gente aquel.” Y tiene tamen ta habla, “Ay, hende! Ta engaña le con el maga gente.”

Maga Apostoles 14:4

Pero el maga gente na ciudad ya queda dos grupo; tiene afavor con el maga Judio y tiene afavor con el maga apostoles.

Lucas 12:51

No ustedes pensa que ya vene yo para el maga gente aqui na mundo ay tene paz. Hende gayot yo ta dale paz, sino ay hace yo division entre uno y otro.

Mateo 10:35

Y por causa del di mio venida, un hijo ay man contra con su tata, y un hija ay man contra con su nana, y el hierna ay man contra con su suegra.