Juan 20:20 - El Nuevo Testamento

²⁰ Cuando ya acaba le habla ese, ya dale le mira canila el herida del clavo na di suyo dos mano, y el herida na su costao. Y cuando el maga dicipulo ya puede conoce con el Señor ya queda sila bien alegre.

Juan 20:20 Referans Kwoze

Juan 16:22

Ansina tamen ay pasa con ustedes. Ahora bien triste ustedes cay ay sale ya yo, pero al birar yo otra vez ay queda ustedes alegre y nuay ningunos quien ay puede quita ese alegria con ustedes.

1 Juan 1:1

Ta escribi came con ustedes acerca de aquel quien ta llama el Palabra de Vida, cay ele el quien ta dale vida con todo. Y ele el quien ta existi antes del creacion del mundo y hasta ahora ta continua pa existi. Ya oi came con ele conversa y ya mira gayot came con ele con el di amon mismo maga ojos, y con el di amon mismo maga mano ya agarra tamen came con ele.

Juan 20:27

Despues ya man atubang ele con Tomas hablando, “Tomas, pone tu dedo aqui, y mira tu con el di mio dos mano. Ahora agarra tu con el herida na di mio costao. No mas duda, sino cree gayot tu conmigo!”

Juan 16:20

Ta habla gayot yo claro que ustedes ay llora gayot de tristeza, pero el maga gente quien hende ta tene fe conmigo ay queda gayot alegre. Ustedes ay queda bien triste, pero el cosa que ya hace con ustedes triste ahora, aquel mismo cosa ay hace con ustedes alegre despues.

Juan 19:34

Pero uno del maga soldao ya lancia el costao di Jesus con su lanza, y ya sale dayun sangre y agua.

Mateo 28:8

Entonces el maga mujer ya sale de pronto na tumba y ya corre gayot sila para habla con el maga dicipulo di Jesus, y tiene gayot sila miedo, pero bien alegre tamen.

Juan 20:25

Poreso cuando el maga dicipulo ya habla con ele que ya mira sila con el Señor, ya habla si Tomas, “Si yo ay puede mira el maga herida del clavo na di suyo maga mano, y si ay pone yo el di mio dedo na maga herida del clavo, y si ay agarra yo con el herida na di suyo costao, entonces ay cree gayot yo que vivo ya le!”