Juan 18:17 - El Nuevo Testamento

¹⁷ Aquel ayudanta quien ta visia na puerta ya pregunta con Pedro, “Hende ba uste uno del maga dicipulo de ese gente?” Ya contesta si Pedro, “Hende gane!”

Juan 18:17 Referans Kwoze

Juan 21:15

Despues del di ila almuerzo, si Jesus ya principia conversa con Simon Pedro, y ya habla, “Simon, hijo di Juan, ta ama ba tu conmigo mas que con este maga otro dicipulo?” Ya contesta le, “Si, Señor, uste sabe que ta ama yo con uste.” Ya habla si Jesus con ele, “Cuida con el di mio maga carnero diutay.”

Juan 18:25

Mientras ta hace pa pregunta con Jesus, si Pedro talla pa parao na patio y ta calenta pa di suyo cuerpo na fuego. Tiene de aquellos junto con ele ya pregunta, “Uste uno del maga dicipulo de aquel gente talla adentro, hende ba?” Si Pedro ya nega otra vez, y ya habla, “Hende gane!”

Juan 18:16

Pero talla pa afuera si Pedro, entonces ese otro dicipulo quien conocido del Padre Superior ya anda conversa con el ayudanta que ta visia na puerta. Y ya puede le lleva con Pedro adentro na patio.

Lucas 22:54

Despues aquellos quien ya arresta con Jesus ya lleva con ele na casa del Padre Superior, y si Pedro ya sigui canila un poco de distancia.

Mateo 26:33

Despues si Pedro ya habla con Jesus, “Masquin todo pa sila ay abandona con uste por causa del cosa ay sucede con uste, pero yo hende gayot!”

Maga Apostoles 12:13

Cuando ya llega si Pedro na casa di Maria ya saluda le na puerta principal, y aquel dalaga ayudante si Roda ya anda para abri.

Juan 18:8

Entonces ya habla si Jesus, “Na. Ya habla ya gane yo que amo ya yo. Si conmigo man gale ta busca, deja libre con este maga uban di mio.”

Juan 18:5

Ya contesta sila, “Con Jesus de Nazaret.” Ya habla si Jesus canila, “Yo ya man el mismo.” Si Judas quien ya traiciona con ele talla tamen parao junto con el grupo.