Juan 11:53 - El Nuevo Testamento

⁵³ Desde aquel dia el maga lider Judio ta planea ya si paquemodo sila ay mata con Jesus.

Juan 11:53 Referans Kwoze

Maga Apostoles 9:23

Despues de cuanto dias ya man junto el maga Judio para planea mata con Saul,

Maga Apostoles 5:33

Cuando el maga miembro del consejo ya oi ese, ya queda sila rabiao gayot y quiere gayot sila manda mata con el maga apostoles.

Juan 12:10

Poreso el maga jefe del maga padre ya inclui tamen con Lazaro na di ila plano de matar.

Juan 11:47

Entonces el maga Pariseo y el maga jefe del maga padre ya manda ajunta con el maga miembro del Consejo Judio para man conferencia, y ya habla sila, “Cosa man kita debe hace? Cay ese gente ta hace ya gayot mucho milagro.

Marcos 14:1

Tiene pa dos dias antes de llegar el celebracion que ta llama el Passover y el otro ta llama el Pan Nuay Apujan. Ahora el maga jefe del maga padre Judio pati el maga maestro Judio ta busca gayot si paquemodo ay puede arresta secretamente con Jesus para puede mata con ele.

Marcos 3:6

Despues el maga Pariseo ya sale na iglesia, y ya man junto dayun con el maga siguidores di Herodes, para planea si paquemodo sila ay puede mata con Jesus.

Mateo 26:59

Ahora el maga jefe del maga padre y el entero consejo del maga Judio ta precura gayot busca evidencia para sentencia con Jesus para muri,

Mateo 22:46

Nuay ningunos ya puede contesta con ele, masquin un palabra lang. Y desde aquel dia nuay mas ningunos quien ta atrebe hace pa pregunta con ele.

Mateo 16:21

Desde aquel tiempo si Jesus ya manda ya gayot sabe canila que necesita le anda na Jerusalem para sufri muchas cosas na mano del maga oficial del iglesia y del maga jefe padre y del maga maestro Judio. Por ultimo ay mata sila con ele pero na tercer dia ay resucita le.

Mateo 12:14

Pero el maga Pariseo ya anda afuera para planea si paquemodo sila ay puede mata con Jesus.

Mateo 26:4

Y ta planea sila si paquemodo ay puede sila arresta secretamente con Jesus para puede mata con ele.

Juan 7:1

Por cuanto meses si Jesus ya viaja na maga lugar de Galilea en vez de birar ole na Judea, cay el maga lider Judio alla ta planea mata con ele.