Juan 10:34 - El Nuevo Testamento

³⁴ Ya contesta si Jesus canila, “Hende ba escribido na di ustedes mismo ley que Dios ya habla, ‘Ustedes el maga dios’?

Juan 10:34 Referans Kwoze

Juan 8:17

Alli na di ustedes ley ya escribi si Moises que si tiene dos testigo ta dale igual testimonio, entonces el cosa ta habla sila deverasan gayot.

Juan 15:25

Ansina man gayot ese para cumpli el cosa escribido na di ila ley que ‘ya odia sila conmigo masquin nuay rason.’

Juan 12:34

Ya habla el maga gente con ele, “Sabe kita ta habla na di aton ley que el Cristo ay vivi hasta para cuando, pero ta habla uste que tiene quien ay clava con el Hijo del Hombre na cruz. Si ansina, quien ba ese Hijo del Hombre?”

1 Corinto 14:21

Este el maga palabra que Dios ya habla ya na Sagrada Escritura: “Ay usa yo maga gente de otro nacion y del lenguaje desconocido para habla con ese maga gente. Ay habla yo canila por medio de ese maga estrangero. Pero masquin ay hace pa yo ese, el maga gente no quiere oi conmigo.”

Juan 10:35

Sabe kita masquin hasta para cuando deverasan gayot el cosa ya escribi na Sagrada Escritura. Dios mismo ya llama canila maga dios, con aquellos con quien ya dale le su mensaje.