Hebreo 7:11 - El Nuevo Testamento

¹¹ Dios ya dale el di suyo ley con el maga Judio aquel tiempo ya nombra le padre con el maga hombre quien ta sale na linea di Levi. (Y si Aron amo el primer Padre Superior Judio.) Ahora, si bien perfecto el trabajo de aquellos maga padre del orden di Levi, nuay mas era necesidad para tene el diferente orden del maga padre. Pero ya escoje le el orden di Melchizedek en vez el orden di Aron.

Hebreo 7:11 Referans Kwoze

Hebreo 8:7

Si nuay falta aquel primer manera de antes para el maga gente puede tene buen relacion con Dios, nuay era necesidad para repone pa otro manera.

Galacia 2:21

Ta accepta gayot yo el gran favor de Dios. Pero si un gente puede queda justo na vista de Dios por medio de obedecer el ley di Moises, entonces en vano lang el muerte di Jesucristo.

Hebreo 7:21

Pero si Jesucristo ya queda padre por medio de ese juramento de Dios cuando Dios ya habla con ele, “Yo el Dios el Señor ya hace un juramento, y yo hende nunca ay cambia el di mio pensamiento.” Y ya habla tamen ele, “Uste amo el Padre Superior hasta para cuando.”

Hebreo 7:15

Cuando ya aparece el otro padre igual con Melchizedek, ta queda mas claro el cosa kita ta habla.

Hebreo 5:6

Y ya habla tamen le na otro parte del Sagrada Escritura, “Tu un padre hasta para cuando, igual como el orden di Melchizedek.”

Galacia 4:9

Pero ahora ya llega ya ustedes conoce con Dios - ay, hende gale - mas verdad pa habla que Dios ta conoce con ustedes. Entonces, porque man ustedes quiere sirvi como esclavo otra vez con ese maga reglamento que nuay poder para dale salvacion?

Hebreo 6:20

donde si Jesucristo ya anda ya una que canaton, como el di aton representante con Dios. Y ya queda le como un Padre Superior na orden di Melchizedek hasta para cuando.

Hebreo 5:10

Y Dios ya nombra con ele para queda le un Padre Superior igual como el orden di Melchizedek.

Galacia 4:3

Ansina tamen canaton. Estaba kita maga esclavo lang del maga enseñanza del maga religion aqui na mundo, cay dol bata pa kita y nuay pa kita llega de edad para entende el maga cosas espiritual.

Hebreo 7:10

Cuando si Melchizedek ya man encuentro con Abraham, entonces dol lo mismo que si Levi adentro pa na cuerpo del di suyo tatarabuelo si Abraham.

Hebreo 7:12

Cuando ya cambia el orden del maga padre, deporsi necesita tamen cambia el maga reglamento que debe sila obedece.

Hebreo 7:13

Entonces el di aton Señor acerca di quien ta man cuento kita ahora, ya sale na diferente linea. Y nuay ni uno de aquel linea ya sirvi na altar como el padre.

Hebreo 9:6

Despues de arreglar ese maga cosas ansina, el maga padre Judio ta entra continualmente na primer cuarto de ese tolda para hace el maga trabajo del di ila religion.