1 Timoteo 6:21 - El Nuevo Testamento

²¹ Tiene de esos ya pensa que sila maga experto ya de este clase de saber, y el resulta amo ya perde ya el di ila fe con Dios. Ojala que el gran favor de Dios talli con ustedes.

1 Timoteo 6:21 Referans Kwoze

2 Timoteo 2:18

Sila ya deja con el verdad, cay ya habla sila que el resureccion di aton ya sucede ya, y poreso tiene del maga creyente ya queda estorbao na di ila fe.

1 Timoteo 1:19

Durante este guerra, guarda tu el di tuyo fe con Dios, y siempre tene conciencia limpio. Cay tiene maga gente quien nuay obedece con el di ila conciencia, poreso destrosao ya el di ila fe,

Colosas 4:18

Yo, si Pablo, amo el quien ta escribi con mi mismo mano este maga saludos di mio. No gayot olvida que taqui ya yo na calaboso! Ojala que el gran favor de Dios ay esta con ustedes.

Hebreo 13:25

Ojala que el gran favor de Dios ay esta con ustedes todo.

Tito 3:15

Todo quien taqui junto conmigo ta envia el di ila maga recuerdos contigo. Saluda tamen alli con el di aton maga amigo na fe quien ta ama canaton. Ojala que ustedes alli ay tene el gran favor de Dios.

2 Timoteo 4:22

Ojala que el Señor ay esta siempre junto contigo. Y ojala que el gran favor del Señor talli con ustedes.

1 Timoteo 6:10

Todo clase de maldad ta sigui por causa del amor para con el cen. Tiene del maga gente bien con ansias gayot para tene cen, y poreso ya desaleja ya sila na di ila fe para con Dios y para con Jesucristo. Pero ya queda sila bien triste, cay ya encontra gayot sila mucho dolor.

1 Timoteo 1:6

Tiene maga gente ya perde ya ese maga cosas bueno, y ya queda ya sila nuay rumbo de tanto discucion que no sirvi nada.

Roma 16:23

Si Gayo tamen ta saluda con ustedes. Ta esta yo na su casa donde el maga creyente pirmi ta reuni. Si Erastus el tesorero del ciudad, y si Quartus el di aton hermano na fe, ta dale tamen el di ila saludos con ustedes.

Roma 16:20

Dios con quien ta sale el di aton paz, hende na tarda ay destrosa ya el poder di Satanas para ay queda le bajo mando di ustedes. Ta reza yo que el di aton Señor Jesucristo ay continua dale mira con ustedes el di suyo favor.

Roma 1:7

Poreso ta escribi yo con ustedes todo alli na Roma con quien Dios ta ama y con quien ya escoje le para tene fe con ele. Ojala que el di aton Dios Padre y el Señor Jesucristo ay dale con ustedes el di ila gran favor y paz.

Mateo 6:13

Y no deja canamon cae na tentacion, y proteje canamon na poder di Satanas. Uste el Rey bien poderoso con quien ta dale came alabanza y honor hasta para cuando. Amen.’” Despues de enseñar reza si Jesus, ya continua le habla,