1 Corinto 10:29 - El Nuevo Testamento

²⁹ Hende para di ustedes conciencia, sino para el conciencia del otro gente quien ya informa con ustedes. Basi tiene quien ay habla, “Porque man ay queda limitao el di mio libertad na fe por causa del conciencia del otro gente?

1 Corinto 10:29 Referans Kwoze

1 Corinto 9:19

Ta para yo solo, y hende yo bajo obligacion ni con ningunos, cay hende sila ta paga sueldo conmigo. Pero ta pone ya yo conmigo mismo na disposicion de todo el maga gente, y ansina ta puede yo ayuda con mas mucho gente posible para llega sila na Reino de Dios.

2 Corinto 8:21

Cay quiere came hace el cosa justo, hende solo na vista de Dios pero hasta na pensamiento tamen del maga gente.

1 Corinto 10:32

Y no hace nada que puede ofende y ni causa peca con el maga Judio quien nuay pa tene fe con Jesucristo, o con el maga hende-Judio quien tamen nuay pa tene fe con Jesucristo, ni con el maga otro creyente.

1 Tesalonica 5:22

Necesita desaleja kita con todo el maldad.

Lucas 4:18

“El Espiritu de Dios ta controla conmigo, cay Dios ya escoje conmigo para puede yo habla el Buen Noticia con el maga pobre, y ya manda le conmigo para anuncia con el maga gente capturao que ay queda sila librao, y hasta maga bulak ay puede ya mira, y con aquellos maga malmirao, ay libra tamen yo.

1 Corinto 9:1

Yo un gente hende obligao con otro maga gente, y yo un apostol tamen y uno de aquellos quien ya mira con Jesucristo el di aton Señor. Ustedes maga creyente amo el resulta del di mio trabajo que ya hace yo alli como un apostol del Señor.