ZEPHANIAH 3:7 - Cho Bible Common Language 2016

⁷ Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

ZEPHANIAH 3:7 Referans Kwoze

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

JEREMIAH 36:3

Ngami ah khan ah kei naw ka law püi vai ah ka pawng püi ah m’dishum nak gui avan cu Judah chang gui naw ami ng’yak ung, ami shetkat nak ungka ng’hlat tei law ba hman khai gui aw. Cun ung ami cheishoh nak la ami katnak gui cu kei naw ka m’geinsei gui khai.”

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.

JEREMIAH 25:5

Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

JEREMIAH 7:7

Nangmi nami ng’thawng ah a kyak ung, kei naw shin ah khi ung ka ning om sak gui khai. Shin cu nami pupa gui am khongläu ung ami kaa nak vai ah ka pek gui ah kyak ci.

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

JEREMIAH 38:17

Cun kawn ah kei naw Zedekiah am ka m’thein cu, M’gäi ciah Bawipa, Israel Khanpughi naw pyen ci, “Nang cu Babilonian ghangpughang ah bawi gui ah ma ah na kut na chah ah a kyak ung, nang cu na ghing khai, shin ah mang gaw phi mei awn kä m’khih khai gui. Nang la na kyongchang avan nami ghing khai.

JEREMIAH 8:6

Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

THULÄÄN NAK 4:16

A i ah mäih ah phi nami mät ah hmawk ah a gup pyang ne kä nami cheishoh en vai — pami, hnumi,

ATÜNNAK 6:12

Khanpughi naw m’dek khan cu teng neta, akshe ah kyasei hmuk ci. Khomdek khan ung chang gui cu cheishoh yawp ci gui.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

JOB 36:10

Akshe ungka ng’hlat law ba ne am cäi ami ngaih vai ah ani naw pyang gui ci.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

NG'THU K'THUUK~ 19:20

Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.

JEREMIAH 6:8

Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.