ZEPHANIAH 3:6 - Cho Bible Common Language 2016

⁶ Bawipa naw, “Chang pakhui gui avan ka k’täm cui ci, ami mang gaw gui phi ka m’di ci. Ami pang gui la tänghän gui phi sheka yawp ci. Mi mang gaw gui cu ng’gau ci, ami lam gui cu ghawng ci, a u kä om ci.

ZEPHANIAH 3:6 Referans Kwoze

1 KORIN 10:6

Shin ah m’tumtäng nak cu mikmi ah phäh ah kya ci, cun ah kia sei, ngami ah bi ah mäih ah akshekha gui cu kä mi ng’yak hlü en vai;

1 KORIN 10:11

Ngahmi ung cun ah a kyak gui cu a hei gui ah ng’shümhmuh nak vai ah kyak ci. Mikmi cu kho ah khüt law nak vai ah khin ung mi ghing om ciah kyasei, ami na khäntam nak gui ah shin gui cu ami guk ah kyak ci.

ZEPHANIAH 2:5

Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

ZEKHARIAH 7:14

Pui khaw ah khi ah mäih ah khi ne yon gui ngä sei, a khaw hei ah om ci gui. Shin ah khaw k’ni cu shiu khai ah ami nawng ah kyak ci, a u phi kä om ba ci.”

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

MATTHE 23:38

Cun ah kyasei na pum im cu Khanpughi naw nawng sei, im ghawng ah kia lawk khai nei.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 14:26

Shin cu m’dek khan ah phäh ah ka m’hnüt bäi nei, chang pakhui gui m’kyuk nak vai ah kei naw ka kut ka shäng ci nei.”

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”

JOSHUA 23:4

Kei naw om ba ciah pakhui gui ah khaw phi, nangmi ah pakhui naw nami kaa nak vai ah ka ning pe gui ci, Kei naw ka näng pyi ah pakhui khaw avan phi ka ning pe gui ci, cun cu a kiangtäng ung Jordan tuinu ung khüt ne, akhei täng ung Mediteranean tuinu ung khüt ci.