ZEPHANIAH 3:4 - Cho Bible Common Language 2016

⁴ Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.

ZEPHANIAH 3:4 Referans Kwoze

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

MALAKHI 2:8

“Cun ung phi tuhbäi nangmi taigü gui cu, lam ng’düng ungka nami ng’phleng ci. Nami m’theithang naw akshe akda bi vai ah lam shüm ci. Nangmi ung ka ng’thumkhän cu nangmi naw nami gäi ci.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

2 KORIN 11:13

Cun ah chang gui cu ang düihpüi akcang ah kä kyak ci gui, ng’hlukhlei ci gui ah kyak ci; Bawi Khrih ah ng’düihpüi akcang ah ng’hlawk u ne, hleeihlak ne bilo ci gui ah kyak ci.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

1 SAMUEL 2:22

Tuhbäi Eli cu ghi lawk ci. A hta gui naw Israel gui ah khan ah ami bi gui avan cu ani naw ng’yak ci. Bawipa ah phung ung luh nak ah m’kawt ung bi bik ci gui ah hnumi gui awn ami ih om phi ng’ya gui ci.

SUKI GUI 9:4

Ngami naw Baala-ah-thukhäm pum im ung ka ngui chih-kip la u neta ani am pek ci gui, acun ah ngui awn ani naw chang pyai gui ng’vat gui ci.

EZEKIEL 44:23

“Taigü gui naw ka chang gui cu, theingcim ci la kä theingcim ci, theingthap ci la ka theingcim ciah ng’lakmah nak cu ami m’thei thang vai.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

EZEKIEL 22:6

Israel angvai gui ami van naw ami mät ah thagui ngaih u u ne ngawn sik ci gui.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.