ZEPHANIAH 3:19 - Cho Bible Common Language 2016

¹⁹ Akhin gawk law pyi ci nei! Ning yawshe na gui ci cu ka m’kyuk gui khai nei. A khaw hnget ci gui gai sak gui ne, Omktu ah om ci gui cu im ah ka law püi ba gui khai nei. Ami thui ng’aa nak cu chang m’sui nak ah ka lat pe gui khai, M’dek chang avan naw m’tamkhah gui khai nei.

ZEPHANIAH 3:19 Referans Kwoze

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

JEREMIAH 30:16

Cun ung phi tuhbäi, nangmi ning m’zaw gui ci avan cu m’zaw ba gui vai, Nami ga gui avan cu pha na hteh püi gui vai. Ning shedam na gui ci avan cu Shedam ba nak vai, Ning gut kep gui ci avan cu guh tep ba vai.

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

ISAIAH 61:7

Nami ng’a ca nak la nami thuihmai nak cu ng’pyi pyi ci nei. Nangmi cu nami mät ah kho ung nami om khai, Nami khawh cu a goi ah däm khai; Nami yei nak cu kä ng’pyi hlawt khai.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

HEBRU 12:13

Düng ciah lam ung k’tha nah ne hteit vä, cun ung ng’khem ciah nami kho cu gai om khai nei.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

EZEKIEL 39:26

Ngami cu a u naw kä m’kyihkyawk gui sei ami khaw ung phyawng gai ne ami om law ba ah a kyak ung, kei kä ami na bekhüt nak ah phäh ah ami thui ng’aa cu ngami naw m’hnih hning khai gui nei.

THU PHLAAN 20:9

Ngami cu khomdek khan avan ung püi u ne, Khanpughi ah chang gui ah ng’düm hmun la ani ah m’hni ah mang gaw cu khaai yawp ci gui. Cun ung phi khankho ah kaa meidäi kya law ne, ngami cu ui gui yawp ci.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

ISAIAH 62:7

Ani naw Jerusalem kä am thawh ba pha ah chuih ngami naw kä ng’düm sak ci gui. Cun kawn ah ani naw mang gaw ah pyang sei, khomdek khan chang van naw m’hlüng tai ci gui.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

JEREMIAH 31:8

Kei naw ngami cu a siiptäng ah ka ka law püi ba gui khai, khomdek ah akcawi ah kaa ka k’bum ba gui khai. Amik m’dauh gui la akshum gui phi ngami awn atäng ah law ba khai gui, käumah ciah hnumi gui phi ngami awn a täng ah law ba khai gui, Ngami cu dämduh ciah pakhui ah kya ne law ba khai gui.

EZEKIEL 16:27

Tuhbäi nang ning m’kyuk ne, nang ah nak chaw hriham cu ning lak pek vai ah ka kut shäng ci nei. Nang mi ning gen gui ne, kä ak ni ah name om ih gui shemshai ci gui ah philistine gui am ka ning ap pyi ci nei.

EZEKIEL 16:57

cun cu nang ah bi ah akshe gui kä ang dang pha ung ah kyak ne ang? Tuhbäi nang cu ani ah mäih ah na kyak ci-Edomit gui, philistine gui la nang ning thüi nak ci gui ah ahei na peileng ah ka gui naw ami ning päi pih vai ah na kyak ci.

EZEKIEL 39:13

Khaw ung om ciah chang nü naw ngami k’phuh gui vai ung bawm gui khai gui, a shin ah phäh ah ngami cu kei ah ka näng nak ah kho hnüüp ung m’tam nak gah khai gui. Kei, Uktu Bawipa naw ka pyen nei.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

THULÄÄN NAK 26:19

Ani naw a tüisho ah pakhui gui ung, ak däm pi ah ning pyang gui khai. Nangmi naw ani ah ng’ming m’hlümtai nak la m’tamkhah nak cu nami law püi khai. Ani naw a shaitak ah mäih ah nangmi cu amät ah chang ah nami kyak khai.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.