ZEPHANIAH 3:18 - Cho Bible Common Language 2016

¹⁸ Näng nak pawi ung chang gui ami yei ah mäih ah kyak khai.” Bawipa naw, “Khaw ang ziin nak ka ng’pyi sak ci, Nami thüisei nak ng’pyi pyi ci nei.

ZEPHANIAH 3:18 Referans Kwoze

EZEKIEL 36:24

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

NG’ÄI KYAH 1:4

Theingcim ciah hnüüp ung khawihnah vai ah Taigü im ah tuhbäi a u phi kä lawk ci. Cun ung hnumi hta gui cu yaica ne ng’äi m’cu ci gui, Mang gaw m’kawt gui cu a ghawng ah ng’düi ci gui Zion cu omdam aih ci nei.

ZEPHANIAH 3:20

Akhin gawk law pyi ci nei! Püi ciah ka chang gui im ah ka law püi ba gui khai, Khomdek khan avan ung na ming ka ning thang sak khai. Ka ning bühmang ba sak khai,” cine, Bawipa naw ng’thu pyen ci.

HOSEA 9:5

Bawipa m’tamkhah nak vai ah pawi bi nak vai ah akhin a gawk law ung ngami naw a i bik khai gui ang?

HOSEA 1:11

Judah chang gui la Israel chang gui cukawng ät ba khai gui. Ngami naw ami mät ah phäh ah ng’vaihta tumat ghü khai gui. Ngami cu ami khaw ung geit kaw u ne, bühmang ba khai gui. Ä! Jezreela ah hnüüp cu dämduh ciah hnüüp ah kyak khai!

EZEKIEL 34:13

Kei naw a khohei khopäng ungka la ba gui ne, atäng ah ka bum ba gui khai, ami mät ah khaw ung ka law püi ba gui khai. Kei naw ngami cu Israel khomhtung gui la tuilawng gui ah khah püi gui ne, khu akni ah alim nak ung ka m’bei gui khai.

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

JEREMIAH 23:3

Kei naw ka püi pyang sak nak gui ah khaw ung k’pawih ba ciah ka chang gui cu kei naw ka ng’bum ba sak gui khai, cun kawn ah ami khaw ung ka law püi ba gui khai. Ngami ung ami hta nau da khai, chang phi da lawk khai gui.

SAM 43:3

Na k’dei la na düng nak cu yuk chah law ä; A cun gui naw na khomhtung theing Zion la na om nak ah Taigüim cu na m’shüm ne, na hteh püi ba khai gui nei.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

SAM 79:4

Pei ng’len ah changpakhui gui naw na shedam na ne, na gaih m’gin ne, na päipih gui ci gui nei.