ZEPHANIAH 3:13 - Cho Bible Common Language 2016

¹³ Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”

ZEPHANIAH 3:13 Referans Kwoze

THU PHLAAN 14:5

Ngami cu a i sang ung phi kä hleei ci gui, m’kat nak gui vai a i kä om ci.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ISAIAH 17:2

Siria mang gaw gui cu kho ng’län ung khokän ah kyak khai gui. Cun gui cu htome gui la seipat gui ah khu ei hmun ah kyak khai gui, cun gui cu a u naw kä k’täm gui hlawt khai.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

EZEKIEL 39:26

Ngami cu a u naw kä m’kyihkyawk gui sei ami khaw ung phyawng gai ne ami om law ba ah a kyak ung, kei kä ami na bekhüt nak ah phäh ah ami thui ng’aa cu ngami naw m’hnih hning khai gui nei.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

JEREMIAH 23:4

Nangmi ning m’htei gui khai ah uktu gui cu kei naw ka m’düih gui khai. Kei ah ka chang gui cu kä kyihkyawk ba khai gui, kä cäicat ba khai gui, kei naw kä ka m’kyuk ba gui khai. Kei, Bawipa naw ka pyen ci.”

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

ISAIAH 65:10

Ngami naw kei cu na khawihnah khai gui, ngami naw ami htome gui la ami seipat gui cu akhei täng ung sharon dou ung, ak kyang täng ung khüikha khong nawi ung ami lum vai ah lam shüm khai gui.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

SAM 119:3

Ngami cu cheishoh nak kä bi phung ci gui; Bawipa ah lam ung hteit ci gui.

SAM 23:2

Khu ah li nak ah na ng’düm püi ne, tui ah gei nak ah na hteh püi ci.

TAIGÜTHUM 26:6

“Nami khaw ung kei naw dimdeeih nak ka ning pe gui khai, nangmi cu a i phi kä kyihkyawk ne nami ip khai. Cun ah khaw ung khisa ah ga ung ka ning phyawn gui khai, cun ah khaw ung ng’tuk nak kä om ba khai.

JOB 11:19

Nang naw nag a gui cu kä na kiih ba khai; Chang akda naw na m’htei tu vai ah ning k’thäh lawk khai.

SAM 120:2

Bawipa, hleeihlak nak la thuvi nak ungka, na hun ä.

SAM 120:3

Chang hleeihlak gui, Khanpughi naw nangmi ah khan ah a i ang abi kaw? A i cha ah ang aning m’kyuk gui kaw?

ZEPHANIAH 3:5

Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.

ZEKHARIAH 8:3

Kei cu theing ciah ka mang gaw Jerusalem ah ka hteit ba khai, a cu ah ka om khai nei. Cun ah mang gaw cu bekhüt ciah mang gaw ah hmat khai gui, hlüngtai ciah Bawipa ah khawgui gui cu, theingthap ciah khawgui ah khü khai gui nei.

ZEKHARIAH 8:16

Nangmi naw nami bi gui vai cu: tumat la tumat k’cang nak ng’thu nami pyen vai. Yung ah m’kawt ung phi düng ciah nami bi vai, acun naw dimdeeih nak law püi ci.

2 SHONTÄP NAK 20:30

Cun ah kyasei Jehoshaphat naw dimdeeih sei uk ci, a mawng päng ung m’lung üp nak om khai ah Khanpughi naw pe gui ci.

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.