ZEPHANIAH 3:11 - Cho Bible Common Language 2016

¹¹ Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

ZEPHANIAH 3:11 Referans Kwoze

ISAIAH 54:4

Kä na kyih vai, nang cu kä na lü ng’aa ba khai; a u naw kä ning yuk chah ba khai. Na hmaw sang ung kä bekhüt ciah chu ah na kyak nak la hmeinu ah kya ne, a i ah kä kya thei ne na om nak gui cu na m’hnih khai nei.

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

ISAIAH 61:7

Nami ng’a ca nak la nami thuihmai nak cu ng’pyi pyi ci nei. Nangmi cu nami mät ah kho ung nami om khai, Nami khawh cu a goi ah däm khai; Nami yei nak cu kä ng’pyi hlawt khai.

1 PETER 2:6

Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

MATTHE 3:9

Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

ROMAN 2:17

Nang a i hawkcha ang? Nang cu na mät naw, kei cu Jew chang nei cine, thukhän ung khüng ne, Khanpughi awn na khähgah ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

DANIEL 9:20

Kei cu hteit ne ka taigü ci, ka katnak gui la ka chang gui Israel gui ah katnak gui ka ng’yu ba ci, cun kawn ah Bawipa ka Khanpughi naw theingcim ciah a Taigüim am thawh ba vai ah ka ng’coipa ci.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

SAM 49:5

Kyihkyawk nak ah khin a om ung phi, gaa gui naw ami na khaai ung phi, kä ka kyi khai.

KHEI NAK 16:3

Ngami naw Moses la Aaron ah ma ah ng’bum law u neta, ami pyen cu, “Nangni akshou nu ah nani hteit pyi ci. Bawipa naw chang bum ung chang avan khäm ci. Bawipa cu ami van awn a täng ah om ci. A i ah kyasei Moses aw, Bawipa ah chang bum ah khan ah na mät na ng’düih hnga ang?”

SAM 59:12

Ami m’gawng ung katnak om ci, ami thu avan cheishoh ci, ami chang om nak naw pha gui sä, a i ah kyasei ci ung ngami cu ng’plah täng hleei hlak ci gui.

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

ISAIAH 5:15

Chang nü cu thui hwai khai gui, chang k’om ci gui ami van cu yuk buh gui khai.

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

JEREMIAH 13:9

“Shin gui Judah ah ng’shei nak la dämduh ciah Jerusalem ah ng’shei nak cu kei naw a i hawkcha ka m’di khai ciah kyak ci.

EZEKIEL 20:40

Acun ah khaw, kei ah khomhtung theing ung, Israel khomhtung hlüng ung, nangmi Israel chang avan naw kei nami na khawihnah vai nei. Kei naw nangmi cu ka ning yei na gui khai, nami khawihnah nak gui, aknipi nami douthak gui, theingcim ciah nami m’cümhnah gui cu kei naw ka ngaih u khai.