ZEPHANIAH 3:1 - Cho Bible Common Language 2016

¹ Jerusalem cu ng’ziin ne, sheka ne, ng’küknet ciah mang gaw ah kya ne, amät ah chang gui cu shedam na gui ci.

ZEPHANIAH 3:1 Referans Kwoze

JEREMIAH 6:6

M’gäi ciah Bawipa naw ghangpughang gui am Jerusalem ge nak vai ah singdung gui chuk tawn sak gui ne m’dek m’htung gui phluu sak gui ci. Ani aw pyen ci, “Hnungtuk püi nak da aih sei Kei naw shin ah mang gaw cu ka m’di khai.”

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

ISAIAH 30:12

Cun ung phi Theingcim ciah Israel khanpughi ah thu pyen cu; “Kei naw ka ning m’thein gui cu nangmi naw a i ah kä nami ngai ci nangmi naw ng’tohpah nak la hleei hlak nak nami ngaih u ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEKHARIAH 7:10

Hmeinu hmeihta gui, a khawhei chang nami ng’lung ah om tuk ci gui la dukhaih ci gui cu kä nami shedam nak vai. Tumat la tumat ak she ah kä nami ng’tüihtok tu vai.’

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

TAIGÜTHUM 1:16

Ani naw a ei paw la acun ungka gui cu la neta, sonkiang ah ak kyang lam m’vut phlu nak ung a ghawh vai.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

AMOS 3:9

Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

EZEKIEL 23:30

Shin gui cu na khan ah a law püi ah kyak ci nei. Nang cu Chang pakhui gui ah phäh ah pawm zam ciah kya ne, ngami ah agup gui awn na mät na lelawi sak ci.

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

JEREMIAH 5:23

Cun ung phi nangmi chang gui! Nangmi cu nami m’lung liing ci, nami käknet ci; nangmi naw kei na ng’hlah ta ne, nami na hteh tak ci.

JEREMIAH 6:7

Tuiton naw tuini a khäm ah mäih ah Jerusalem naw akshe gui khäm khai nei. Mang gaw kyong ah ngon sih nak la didap nak cu ka ng’yak ne; lembai nak la gopyam nak bäng ka hmuk ci.