ZEPHANIAH 2:5 - Cho Bible Common Language 2016

⁵ Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

ZEPHANIAH 2:5 Referans Kwoze

EZEKIEL 25:16

Cun ah kyasei kei naw ka ng’shäu ci, kei naw Philistin gui cu tu gui ne ka nawtheng gui khai. Philistin kho dou ung om ci ng’nü cu kei naw ka m’di gui khai.

JEREMIAH 47:7

Cun ung phi ani cu a i cha ng’düm khai ang? Kei naw ka pek ah abi vai om ci nei. Ashkelon la tui kem yung ah om ci gui a tuk vai ah kei naw ka thumkhän ci nei.

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

MAKUH 12:12

Bawipa Jesuh naw ngami a pyein nak gui ah am tumtäng cu Jew chang gui ah ami ng’vai gui naw hmat u netah, Bawipa Jesuh cu phak khai gui ah k’tha nak ci gui. Cun ung phi chang khli cu kyih u netah a hei lam ah hteit ba ci gui.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

ZEPHANIAH 3:6

Bawipa naw, “Chang pakhui gui avan ka k’täm cui ci, ami mang gaw gui phi ka m’di ci. Ami pang gui la tänghän gui phi sheka yawp ci. Mi mang gaw gui cu ng’gau ci, ami lam gui cu ghawng ci, a u kä om ci.

AMOS 5:1

Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.

ISAIAH 14:30

Bawipa cu dukhaih ciah a chang gui ah htoshäm ah kyak khai nei, ani naw phyawng m’hteim sei om sak gui khai. Cun ung phi ani naw nangmi philistin gui ah khan ah kyih kyawk vai ah kho zaw un tüi lawk khai nei, a cun naw nangmi api phi kä ning k’pawih na gui khai.

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

1 SAMUEL 30:14

Keimi naw Judah khaw a htumtäng Cherethit gui ah khaw la Kaleb pahta gui ah khaw cu tu ne, Ziklak gawnu cu kami m’khih ci nei,” cik ci.

ISAIAH 14:29

Philistia chang gui. Nangmi ning thah nak gui ah htung cu hnget pyi ci nei, cun ung phi nami yeikyai nak vai kä om ci nei. K’phyu tumat a sih ung, cun ah hnün ung nget pi ci gawk law ba ci. K’phyu ah m’tui ung ka k’phyu k’cung kheh ci nei.

ZEPHANIAH 1:11

Kyah m’lau ah k’aw gui cu nami mang gaw ah akhodou täng ah om ci naw nami ng’yak khai, a i ah kyasei ci ung sumlei ci gui ami van cu si yawp khai nei.

JOSHUA 13:2

Philistia la Keshur khopäng avan,