ZEPHANIAH 2:15 - Cho Bible Common Language 2016

¹⁵ Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

ZEPHANIAH 2:15 Referans Kwoze

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

NAHUM 3:19

Na khei m’tui nak vai a i kä om ci, na hmaleim phi kä khan hlawt ci. Nang ah di ah mawng ng’yak ciah chang avan naw, ami m’ya k’phyawk ne yeikyai ci gui. Kä ng’pyi hlawt ciah nang ah shetkat nak k’phyawn hning khai a u kä om ne ang?

ISAIAH 22:2

Mang gaw avan cu üng eang ne pamcai la cäicat nak awn be ci. Shin ah ng’tuk nak ung sik ciah na chang gui cu, ng’tuk bi ne sik ci gui ah kä kyak ci.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

NG’ÄI KYAH 2:15

Chang gui naw mang gaw ami kan yah ung, nangmi cu päipih ne ning teng gui ci gui, ngami cu ami lu tum ne, dishum ciah Jerusalem cu ngai tuk ci gui. Shin cu m’hni vai ah mang gaw ang? Shin cu khomdek khan ah yei nak vai ah kya ne ang?

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 19:8

Kei naw shin ah kyih vai ah tuk hnim nak cu shin ah mang gaw ah khan ah ka law püi khai, a shin sun pah ci ng’nü cu cäi ne alu tum khai.

MATTHE 27:39

Acun ah pei ah hteit ciah chang gui naw, ami lu tum ne Bawipa Jesuh cu k’shedam nak ci gui.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

EZEKIEL 27:36

Nang cu na ng’pyi pyi ci, ngawi ä na ng’pyi ci nei, khomdek khan avan ung shumlei chang gui cu kyikyawk ci gui nei, ngami cu nang ah mawngma ami ng’küh tu vai ah phi kyik ci gui nei.

NG’ÄI KYAH 2:1

Bawipa ah am lungshe nak naw mü hnüp awn Zion cu küm ci. Acun ung khan kho bämcam nak cu a ni naw dishum nak ah lat ci. Am lungshe nak ah hnüüp ung ani naw ak taigü im phi kei sak ci.

ISAIAH 32:9

Nang hnumi gui, azäi ah nami ghing om ci gui, ng’ä ai nak kä om ci, kei ah thu pyen cu ngai vä.

JOB 27:23

Ngami ami dawng nak ah phi acun ah kho naw khi gui khai, m’di nak ah huham awn kyih sak hui khai.

JOB 16:4

Nang cu kei ah hnün ung om ne, kei cu nang ah hnün ung ka om vaisü ung, nangmi ah mäih ah kei phi ka ng’thu hning khai nei. Hmuhmat nak awn be ne ka lu phi ka k’thüng hning khai cun kawn ah tuinu ah mäih ah phu sei ng’thu ne ka ning hteh hning khai sü.

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

ISAIAH 47:10

“Nang cu akshe bi neta na bä ciah na ngai ci, a u naw kä ning hmuk ciah na ngai ci. Na cüivai nak la na lulang nak naw lam ning hma sak ci nei, Namät naw namät na pyen ci, ‘Kei cu khanpughi. Kei ah mäih a u kä om ci nei.’

JEREMIAH 50:13

Kie ah m’lungshe ah phäh ah Babilon ung a u kä om ba khai nei: cun cu m’di ne nawng khai gui, acun smn pah ci chang avan cu cat ne cäi khai gui nei.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

HABAKKUK 1:7

Ngami cu kyikyawk ne püigai u ne, chang ah ami ng’shei nak naw ami mät m’khoicha gui ci nei.