ZEPHANIAH 1:4 - Cho Bible Common Language 2016

⁴ “Jerusalem ung chang gui la Judah avan ung chang gui phi ka m’kyuk gui khai. Ak hnu ah Baala khawihnah ci gui ka m’di gui khai, acun ung bii bik ciah khaw taigü gui cu a u naw kä shüm ba gui khai.

ZEPHANIAH 1:4 Referans Kwoze

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

MIKHAH 5:13

Agup gui la lungsüm theing gui avan ka m’di khai, nami mät ah pyan nami khawihnah vai a i kä om ba khai.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

2 SHONTÄP NAK 34:4

Ani ah m’shümthein nak awn a chang gui naw Baala khawihnah nak ah sonkiang gui cu dep u neta a pei yung ah ka, tui ng’ui-sonkiang gui phi phyek ci gui. Ngami naw Asherah ah gup la ahei gup gui avan cu m’dek ung m’vutah ng’deng khai ah ci u neta ngami khawihnah ci gui ah chang gui ah phuh hmun ah khan ah m’vut cu phyang ci gui.

2 GHANGPUGHANG GUI 21:13

Kei naw Jerusalem cu ka m’kyuk khai, Samaria la Israel ghangpughang Ahab la a htangshon ah khan ah ka bi ah mäih ah ka bik khai. Pakan tumat m’si ne lat ne mük ah mäih ah Jerusalem ung chang gui cu ka m’si khai.

PHYAWN NAK 15:12

Nang naw na pat kut shäng ci sei, kami ga gui cu m’dek naw m’yaw gui ci.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

EZEKIEL 6:14

Kei naw ka kut shäng ne ami khopäng ka m’di khai. Kei naw ai phi kä k’pawih na ne, a htumtäng khong gau ungka naw a siiptäng Riblah mang gaw ung khüt sei shet sak ne, Israel gui ah om nak ah hmun phung kä ka k’pawih nak khai. Cung kawn ah chang nü naw kei cu Bawipa ah na hmat khai.”

EZEKIEL 25:7

Nangmi naw cun ah nami bi ah phäh ah kei naw ahei changpakhui gui am ka ning ap gui khai, ngami naw ning m’guk pe ne, ning guttep gui khai gui. Kei naw nangmi cu akbe ah ka ning m’di gui khai, nangmi cu changpakhui ah kä nami kya ba khai, nami mät ah khopäng khaw kä om ba khai. Cun kawn ah kei cu Bawipa ah ka kyak ciah nami na hmat khai.”

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

ZEPHANIAH 2:13

Bawipa naw a huham cu mang ne Assiria cu m’di khai. Ani naw Nineveh mang gaw phi khaw she ne tui maih khai ah cik khai.

2 GHANGPUGHANG GUI 23:12

Ghangpughang Ahaz ah om nak ah khan, mang im ah ak cih khan ung Judah ghangpughang gui naw ami cawh ah sonkiang gui la Taigüim hmun goi ah anglak ung ghangpughang Manasseh naw a cawh ah sonkiang gui cun phi Ghangpughang Josiah naw phye ne; khui ne ng’pyäuh khai ah ci neta, Kidron Khongnawi ung ghawt ci.