Biblia Todo Logo
Bib sou entènèt

- Piblisite -




ZEPHANIAH 1:18 - Cho Bible Common Language 2016

18 Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

Gade chapit la Kopi




ZEPHANIAH 1:18
40 Referans Kwoze  

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.


Ngami naw ami ghui la ngui gui cu ng’awt ah mäih ah lam gui ung ghawt khai gui, a i ah kyasei ci ung Bawipa naw am’lung ah 30 nak a lawn law hnüüp ung ngui la ghui naw kä hun gui hning khai. Ngami naw cun cu ami ng’yak hlü abä nak vai ah kä mang hlawt khai gui, ami puk chi phi kä k’be na hlawt khai gui. Ghui la ngui naw katnak ung hteh püi gui ci.


Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.


Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?


Khanpughi cu amlung thüi sei a yä neta, “Ka tüisho ah chang, phyu kha akghing avan cu ka ciin sak yawp khai, shin gui ka tüisho ah phäh ah ka ng’yuu ba ci nei” cik ci.


Cun ah hnüüp cu m’lung ah shet nak, yaica nak, cümbawng nak, di nak, maih nak, amü nak, ang yiin nak, meile ah küp nak,


Kyah m’lau ah k’aw gui cu nami mang gaw ah akhodou täng ah om ci naw nami ng’yak khai, a i ah kyasei ci ung sumlei ci gui ami van cu si yawp khai nei.


Na pletbeng ah phäh la chang na ngawn ah phäh ah kei naw ka ning m’shut khai, ka m’lung she nak la ka m’lung so nak awn, kei naw sih nak ung ka ning m’kyuk khai.


Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”


Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.


Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.


Ngami naw akshe ah ami khawihnah nak awn m’lung she sak u ne, a gup gui awn am lung thüi sak ci gui.


Judah chang gui cu Bawipa hnungtuk püi ne hmakak ci gui, ngami naw ami pupa gui ah bi avan ah ta kaa pi ne Bawipa m’lungshe sak ne hnungtuk püi gui khai ah bik ci gui.


Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.


Buhmang ciah chang gui naw, hlüng ne khang ciah k’pang naw mang gaw akoi ah maih ah ami khawh nawa shungvong gui ciah yum ci gui.


Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?


Angtäi se shetkat ciah chang gui cu Cun ah hnüp ung Khanpughi cu m’lungshe neta m’kyuk gui ci.


Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?


Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.


Shin cu uktu Bawipa naw a pyen nei, “Leigai tumat tawi ne tumat nang ah khan ah gawk lawk ci nei.


Cawi m’saa nak naw shekha nak da sak pi ci nei. Ami ng’yak hkü ai kä om ba khai nei, ami khawh chawm, ami ming thang nak, ami bämang nak, ai kä om ba khai nei.


A i ah kyasei ci ung kei naw ka ning m’lungshe na gui ci, ngami naw ami m’lungshe nak awn ami ning ng’thumcha gui vai ah kabik khai. Ngami naw na hua la na hnga gui cu at pit khai gui, na hta vom gui ngawn khai gui. Nami hta pami gui la nami hta hnumi gui cu ngami naw la u neta, akghing ah mei awn m’khih khai gui.


Khawkhi naw kou ah mäih ah kä aning yon pha gui ung, mei ah däi ciah Bawipa ah m’lungshe nak nami khan ah kä a gawk law pha ung, Am’lungshe nak ah hnüüp kä a gawk law pha ung nami mät ng’ceet tu vä.


Ami im ghui la ngui awn be sak ciah manghta gui ah mäih ah kei cu ka ih ung,


Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?


Khanpughi, Israel gui ah akdei cu mei ah kya lawk khai nei. Israel gui ah theingcim ciah Khanpughi cu mei m’lei ah kya lawk khai nei. A cun naw hnüüp ät bäng ung ng’hlingcam la hling gui mah mah ah apäng cu ui yawp khai.


Swiv nou:

Piblisite


Piblisite