ZEPHANIAH 1:17 - Cho Bible Common Language 2016

¹⁷ Bawipa naw, “Kei naw natnak yuh chah law ngäsei, chang avan cu amik m’dauh ah mäih ah kyak khai gui. Ngami naw kei nah nu na ne ami kat ah phäh ah ami si cu tui ah mäih ah ng’chawt ne, ami pum cu khomdek khan ah ng’gäh ne ng’yaih khai.”

ZEPHANIAH 1:17 Referans Kwoze

MIKHAH 7:13

Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

2 PETER 1:9

Cun ung phi cun ah hlü nak gui kä om ciah chang cu, ak tawi ah ngai ne, a i kä hmuk ci. Ani cu ayanä ashetkat nak ung kaa theingcim nak agah cu kä shüm ba ciah kyak ci.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.

NG’ÄI KYAH 1:18

“Cun ng phi Bawipa cu taga ci, kei naw kä ka ngaih ah phäh ah kyak ci. Na ngai vä, a khaw päng ung chang gui, kai ah ka m’neh nak cu na teng vä, Kei ah ka chang hnumi pami chang nong gui cu, pha ne ahei ah hteh püi ci gui nei.

NG’ÄI KYAH 1:14

Ani naw ka katnak avan gu ne la neta, avan atäng ah khit gui ci. Ani naw cun gui cu ka hnü ung veing ne bat sei, kei cu gih nak ah aka ung ka yung kya vük ci. Bawipa naw na ng’tuk püi ciam na pek ci, Kei cu ngami hnungtuk püi gui vai ah am geinka ah ka kyak ci.

NG’ÄI KYAH 1:8

Ani m’tamkhah nak cu ng’pyi ci, ani cu k’plui sei a u naw a i ah kä hmu tuk ci. Ani cu ng’hlo ng’ei ne lü ng’aa ne a hmai thup ci. Jerusalem naw kyih aih vai ah akat nak awn amät naw amät lelawi sak ci.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

JEREMIAH 10:18

Bawipa naw shin ah kaw ungka ning k’täm law gui khai nei. Nangmi ungka tumat phi kä k’pawih khai ah ani naw ning deng gui khai nei. Bawipa ah thu pyen ah kyak ci nei.

JEREMIAH 4:18

Judah, nang naw shin gui ci na mät naw na law püi ah kyak ci, cun cu namät ah na ghin om nak la na bi lawh awn ah kyak ci. Na katnak naw shin ah aning yaica sak ah kyak ci; acun naw na m’lung ung ning shun ci nei.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

JEREMIAH 2:17

Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

EZEKIEL 16:38

Na pletbeng ah phäh la chang na ngawn ah phäh ah kei naw ka ning m’shut khai, ka m’lung she nak la ka m’lung so nak awn, kei naw sih nak ung ka ning m’kyuk khai.

EZEKIEL 24:7

Mang gaw kyong ah Chang awn nak om ci, cun ung phi si cu m’vut ah bu nak hning ah m’dek ung kä kya lawk ci, lung htaih ah khan ah kya lawk ci.

EZEKIEL 24:8

Kei naw kä thuh nak hning vai ah cun ung si cu ka chah ah kyak ci, acun ung phu tuk vai ah m’lungshe ne k’thäh ci.”

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.