ZEPHANIAH 1:16 - Cho Bible Common Language 2016

¹⁶ ng’tuk nak phyungheng tum k’aw be ne, gakap gui naw mang küi ami tuk nak la tänghän hlüng ami plawh nak ah k’aw gui ng’shan khai.

ZEPHANIAH 1:16 Referans Kwoze

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

ISAIAH 32:14

Mang im phi kei ne, mangkho leigaw phi apum ah shiu khai nei lm gui la k’pang gui ami ngäng gui cu ang’täi sei di maih khai nei Hwn cu k’pya ng’se gui naw lum na u ne, htome gui ah khu ei nak ah kyak khai nei.

HABAKKUK 3:6

Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

ISAIAH 59:10

Chang mik m’dauh ah mäih ah mikmi cu m’thäp ne mihteit ci mikmi cu hnüüng ng’lung ung plai sei mi ng’taak ci mü hmüp ah mäih ah, hmüp ciah sih nak ah khaw ah mäih ah.

THULÄÄN NAK 28:52

Ngami naw Bawipa nami Khanpughi naw a ning pek gui ah khaw ung, gawnu päng cu tuk khai gui. Nangmi naw nami ngaih u ah hlüng ciah shungpang gui phi ng’kia yawp khai.

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

JOEL 2:1

Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.

JOSHUA 6:20

Cun ah kyasei taigü gui naw phungheng tum ci gui. Chang gui naw cun ami ng’yak vai am, ang shan ah m’lau ci gui, cun ung mang gaw paang cu pyawn ne kya lawk ci. Gakap gui avan naw khogui ung khüt sei, mang gaw ung lut ne khäm ci gui.

EZEKIEL 7:7

Shin ah khaw ung nang mi chang gui ah phäh ah ang pyi nak cu gawk lawk ci nei. Khomhtung ah vawihpeh nak gui ung pawi kä bi ba nei, ang gogan bang nak ah akhin cu gawk lawk ci nei.