Bawipa ah a hnün thawh nak vai ah hnüüp cu ng’et lawk ci nei. Khongmei naw a shung nak ah hnüüp, pakhui gui ah khüikha nak ah hnüüp cu ng’et lawk ci nei.
Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.
Bawipa naw khong hmum ah mäih ah agakap gui thumkhän gui ci. Ani ngai ciah ga-mo cu chün ne m’gäi ci. Bawipa ah hnüüp cu kyih aih vai kyak ci nei! A u pawih ba hning khai aw?
Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.
Heshbon la Elealeh chang gui cu kyap m’lau ci gui, ami kyah cu Jahaz güt ah ka naw ng’yak ci ci gui. Gakap gui phi kyik ci gui, ami m’gäi nak maih yawp ci.
Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.
Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.
Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.
Zion m’htung khan ah ka naw Bawipa ng’hawh ci; ak aw cu Jerusalem ungka hmum kyeek lawk ci; Khomdek la khomik ng’thüng ci. Cun ung phi ani naw a chang gui shungvong gui khai.
Khanpughi ah theing ciah khomhtung Zion ah khan ah phyungheng tum vä, khingyan khawng vä. Judah chang gui ng’hlet vä! Bawipa ah hnüüp cu gawk law ge ci nei.
A cun ah mawng kei, uktu Bawipa naw ka pyen law vai cu m’thein gui ä. Cun ah ng’thu thuuk cu kei naw ka ng’pyi sak khai nei. Cun cu Israel ung a u naw kä pyen ba khai nei. A cun nak vaisü ung shi cha ah m’thein gui ä: Akhin cu gawk lawk ci, ng’cängbang nak gui phi bä lawk ci!
Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”
Nangmi cu thüisei ne nami kyap m’lau ci nei, a i ah kyasei ci ung, Bawipa naw amlungshe nak awn nami changpakhui cu m’di ne, dinggei ciah nami khopäng cu didap sak ci nei.
Cun sang ung Khanpughi ah ng’thu naw khomdek cu thüng sak ci nei. Cun bäng ah kä kyak ciah, tuk bäi, Bawipa naw, “Kei naw hnü ät mä, khomdek bäng ah kä kya ciah, khankho phi ka thüng sak khai nei,” cine shai a taak om ci.
Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.
“Cun ung phi a i ang ka hmuh?” cine Bawipa ka ng’shik ci. “Ngami cu kyih nak vai täng ah ng’hlat ci gui nei. Ami gakap gui ami m’ghuih gui nei; kyih nak awn ami näng gui nei, ngami cu ami dawng hningah dawng ci gui nei. Ami hnu ah kä mang ba ci gui nei.