ZEPHANIAH 1:13 - Cho Bible Common Language 2016

¹³ Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

ZEPHANIAH 1:13 Referans Kwoze

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

MIKHAH 6:15

Htang nami phu khai, cun ung phi kä nami khäm ba khai. Olive situi nami neen khai, kä nami mang khai. Sapyit tui nami piang khai, kä nami awk khai.

THULÄÄN NAK 28:30

“Nang naw htangla na be tuk khai. Cun ung phi a hei naw chu nak khai. Nang naw im na co khai, cun ung phi kä na om nak khai. Nang naw sapyit na geit khai, cun ung phi ak theih kä na ei khai.

EZEKIEL 7:21

“Bawipa naw pyen ci,” akhohei chang gui am ka guttep sak gui khai, thu khan-m’shet ci gui naw ami khawh avan la pe gui u ne, lelawi sak khai gui.

JEREMIAH 15:13

Bawipa naw na pyen nak ci, “ka chang gui ah khawh them gui la khawh cham gui hteh püi khai gui ah kei naw ga gui ka tüi lawk khai. Cun cu kho avan ung ngami naw katnak ami ah phäh ah m’kyuk nak gui ah kyak ci.

JEREMIAH 9:19

Zion ung ami kyah ah k’aw cu ngai vä: “Kei mi kami di pyi ci nei! Kei mi akbe ah kami thüisei ci nei! Mikmi naw mi kho mi hteh tak khai nei; mikmi ah im gui cu ng’phye pyi ci nei.”

THULÄÄN NAK 28:39

Nangmi naw sapyit nami geit khai, nami m’hteiba khai, cun ung phi ak theih kä nami bit khai, a tui kä nami awk khai. A i ah kyasei ci ung sapyit gui cu m’kyiit gui naw ei yawp khai gui.

ZEPHANIAH 1:9

Khawshe khawihnah ci gui, m’gu ne, ngawn ne ami bawi ah im khawh be sak ci gui phi ka m’shet gui khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.

EZEKIEL 7:19

Ngami naw ami ghui la ngui gui cu ng’awt ah mäih ah lam gui ung ghawt khai gui, a i ah kyasei ci ung Bawipa naw am’lung ah 30 nak a lawn law hnüüp ung ngui la ghui naw kä hun gui hning khai. Ngami naw cun cu ami ng’yak hlü abä nak vai ah kä mang hlawt khai gui, ami puk chi phi kä k’be na hlawt khai gui. Ghui la ngui naw katnak ung hteh püi gui ci.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

THULÄÄN NAK 28:51

Ngami naw nami vuhchah gui, nami geitkaw gui avan ei khai gui. Nangmi cu ei ah cawi ne nami sik khai. Ngami naw htang, sapyit, oliv-situi, vuhchah gui, htome gui a i phi kä ning nawng pe gui khai gui. Nangmi cu nami sik khai.

JEREMIAH 17:3

la khomhtung kho häu ung ng’ling ci gui. Nami ga gui naw nami khawh gui la nami m’küm khawh gui avan ami lak vai ah ka bik khai. A i ah kyasei ci ung cun cu kho avan ung katnak nami bi avan ah phäh ah kyak ci.

NG’ÄI KYAH 5:2

Kami khawh gui cu chang hei gui ah kut ung om ci nei, Khohei chang gui cu kami im ung om ci gui nei.

EZEKIEL 7:24

Kei naw akshekha pikbäih ah pakhui gui shin ung law püi gui ne, nami im gui ka nin guh sak gui khai. Nami khawihnak nak ah hmun gui cu cun ah pakhui gui am ka m’shet law sak gui ah a kyak ung, k’thamah pikbäih ciah name chang gui cu ami m’lung thüi ne ami k’tha maih khai.