ZEPHANIAH 1:12 - Cho Bible Common Language 2016

¹² “Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

ZEPHANIAH 1:12 Referans Kwoze

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

JEREMIAH 48:11

Bawipa naw pyen ci, “Moab cu angtäi sei ngaih gep ne om ci, a i yah ung phi omktu ah kä hteh püi man ci gui. Moab cu hlüng tumat ungka naw tumat ung kä lawng ne, kä thäu phung ah sapyit tui ah mäih ah kyak ci. A htang cu kä dip hung ci. A tui cu angtäi sei nik ci.

EZEKIEL 8:12

Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”

EZEKIEL 9:9

Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.

SAM 94:7

Ngami naw, “Bawipa naw kä na hmu gui ci, Israel Khanpughi naw kä na hmat gui ci” cik ci gui nei.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

2 PETER 3:4

“Ani lawk khai ah shaitak ci, kä law ne ma? A hawi ang ani? Kami pupa gui cu si yawp pyi ci gui, cun ung phi a päng avan cu, khomdek ang tüi law sang ungka ah mäih bä ah om ci gui nei,” ci ne ning kyak na gui khai gui.

OBADIAH 1:6

Esau ah hta ng’shon gui, nami khawh ning gut gui ci gui nei.

JEREMIAH 10:5

Cun ah a gup gui cu pacüh lo ung biit hta m’kyih nak ah mäih ah kyak ci gui; kä ng’thu thei ci gui; Ngami cu kawh chan gui vai ah kyak ci gui, a i ah kyasei ci ung ngami cu kä hteit hton hlawt ci gui. Kä nami kyih gui vai; ngami naw akna ah kä ning bi hlawt khai gui, akni phi kä ning bi pe hlawt khai gui.”

ISAIAH 5:19

Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

JOB 21:15

Ngami naw Khanpughi ah bi bi vai kä hlü khai, Ani ah taigü vai kä hlü khai ah ngai ci gui.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.