ZEPHANIAH 1:11 - Cho Bible Common Language 2016

¹¹ Kyah m’lau ah k’aw gui cu nami mang gaw ah akhodou täng ah om ci naw nami ng’yak khai, a i ah kyasei ci ung sumlei ci gui ami van cu si yawp khai nei.

ZEPHANIAH 1:11 Referans Kwoze

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

EZEKIEL 21:12

Hnicim chang, thüi ne kyap ä; shin ah khimsem cu ka chang gui ah phäh ah kyak ci, Israel ang vai gui avan ah phäh ah kyak ci. Ngami cu k’pawih ba ciah ka chang gui avan awn atäng ah ngawn gui vai nei. Thüi kyap ne na ng’kyang cu k’beeih ä!

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

JOHAN 2:16

Cun kawn ah Bawipa Jesuh naw, “Shin gui avan hteh püi ba vä, Kapa ah im cu sumlei hmun ah kä kyak ci” cine mümkha yoi ci gui-am pyen na gui ci.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

JOEL 1:5

Awktat ciah chang gui, ng’shüm law ne kyap m’lau vä; yu awk ci gui kyap vä; yu tui ak thai ah pyan vai ah am theih gui cu di pyi ci nei.

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

JOB 27:16

Chang omshe gui ung khei khit vai ah ngui akda aih om khai, chang ahei gui ah ta ami suisak da pi khai.

JOB 27:17

Cun ungphi chang k’ni gui amshah naw suisak sui khai gui, ng’düng ciah chang amshah naw ngui gah khai gui.

ZEPHANIAH 2:5

Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

ZEKHARIAH 14:21

Jerusalem la Judah khaw avan ung ei shon k’am gui cu Hlüngtai ciah Bawipa khawihnah nak ung mang khai gui nei. Küikyan nak pek ciah chang gui naw küikyan nak ah asa shon nak vai ah mang khai gui nei. Cun ah a khin a gawk law ung, Hlüngtai ciah Bawipa ah Taigüim ung sumlei ciah chang a u kä om ba khai nei.