ZEPHANIAH 1:10 - Cho Bible Common Language 2016

¹⁰ Bawipa naw, “Cun ah hnüüp ung Jerusalem ah nga ah m’kawt ung kyah ah k’aw gui cu nami ng’yak khai. Mawng gaw k’thai lam ah ng’hmum ci la khomhtung ah kai ne ng’güüt ciah k’aw cu nami ng’yak khai.

ZEPHANIAH 1:10 Referans Kwoze

2 SHONTÄP NAK 33:14

Cun kawn ah Manasseh naw David Mang Gaw ah a kiang täng akpung vongpaang ah a hlüng han m’däm ci, cun cu a siiptäng Kihon tuilawng pei khongnawi ungka naw Nga M’kawt la Ophela ah ami pyen ah mang gaw area ung khüt ci. Ani naw Judah kho mang gaw pang khäng päng ung gabawi tumat cu tha ci, a cun ung gakap unit tumat ci om ci.

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

2 GHANGPUGHANG GUI 22:14

Hilkiah, Ahikam, Akbor, Shaphan la Asaiah ni cu Jerusalem gawthai ah om ciah prophet hnumi Huldah ah hteit ci gui. (Ani ah cei Shallum, Tikvah ah hta, Harhas ah tu cu, taigü suinu gui m’htei ciah angvaipi ah kyak ci.) Ngami naw a i ah a kyak ah mawng ani am m’thein ci gui.

NEHEMIAH 3:3

Hassenaah pahta gui naw Nga m’kawt cu co ci gui. Ngami naw lawng la shohpaang gui cu a hmun ung tha u ne, shoh khai nak vai ah shoh keing shoh gaw gui phi pyang ci.

ZEPHANIAH 1:15

Cun ah hnüüp cu m’lung ah shet nak, yaica nak, cümbawng nak, di nak, maih nak, amü nak, ang yiin nak, meile ah küp nak,

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.

JEREMIAH 39:2

Zedekiah ghangpughang ah a kyak nak akum ghalei at nak a cha phil nak ah a hnüüp kaw hnüüpung, mang gawk pang ung ngai ci.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

ISAIAH 59:11

Mikmi cu kyi kyawk ne mi ng’hlet ci. Cheishoh nak la shedam nak ung na hun gui khai ah khanpughi cu kami ging co ci, cun ung phi, a i phi i ah kä kya lawk ci nei.

2 SHONTÄP NAK 32:22

A cun cha ah Bawipa naw Ghangpughang Hezekiah la Jerusalem chang gui cu Assiria uktubawi Sennacherib ah huham la a hei ami ga gui ah kut ungka gung gui ci. Ani naw chang gui cu ami peileng khopäng gui avan awn dimdeeih sei om sak gui ci.

2 SHONTÄP NAK 3:1

David Ghangpughang, Solomon ah apa naw Taigüim cawh nak vai ah hmun cu a pyan pyi ah kyak ci. Cun cu Jerusalem, Moriah Khomhtung ah David ah ma ah Bawipa ang dang cu Jebusit chang Araunah ah htang m’häi nak khlaang ah kyak ci. Ghangpughang Solomon naw cawh kyan nak cu

2 SAMUEL 5:9

Mangpang ami khäm kawn ah David cu a cun ung om neta, “David Mang Gaw” ah aming sui ci. Ani naw mang gaw cu veing ne cokyang ci, khomhtung ah a kiangtäng khaw dou cu k’be ne cokyang ci.

2 SAMUEL 5:7

(Cun ung phi David naw Zion mangpang cu tu ne näng sei, “David mang gaw” ah kya lawk ci.)

2 SHONTÄP NAK 34:22

Ghangpughang ah thumkhän ah Hilkiah la a hei gui naw Jerusalem gaw thai täng ah om ciah prophet hnumi Huldah cu hteit ne ng’shi thäh ci gui. (Ani ah cei Shallum cu Tikvah ah hta, Harhas ah tu ah kyak ci, taigü ci, Taigüim suinu gui m’htei ciah kyak ci.) Ngami naw cun ah hnumi am kya lawk ciah amawng gui cu m’thein tuk ci gui.

NEHEMIAH 12:39

Cun ungka naw Ephraim m’kawt phlän ne, Jeshanah m’kawt nga m’kawt, Hananela tänghän, kum phia tänghän, phlän ne Htome m’kawt ung kami gawk ci. Kami ng’hleh nak cu Taigüim kawt pei ung kami khüt ci.

EZEKIEL 6:13

Gook gui cu agup gui ah ng’lung, sonkiang gui ah ng’veing ung ng’zaih khai gui, khomhtung hlüng pang, m’htung lai päng, m’kim ciah sing ghing ka päng, he sing ng’ghaw gui ah ka pang, agup gui am m’khih ne ami khawihnah nak ah hmun pän gung ng’zaih ci. Cung kawn ah chang nü naw kei cu Bawipa ah na hmat khai.