ZEPHANIAH 1:1 - Cho Bible Common Language 2016

¹ Shin ah ng’thu cu Khanpughi naw Zephaniah am a pek ah kyak ci. Cun yah ung Amon ah hta Josiah cu Judah ghangpughang ah kyak ci. Zephaniah cu Amariah, Kedaliah, la Kushi gui ungka ghangpughang Hezekiah ah ng’shon ah kyak ci.

ZEPHANIAH 1:1 Referans Kwoze

JEREMIAH 1:2

Amon ah hta Josiah, Judah ghangpughang ah a kyak nak, akum gha lei thum nak ung Bawipa naw Jeremiah am ng’thu pyen ci.

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.

HOSEA 1:1

Shin cu Beeri ah hta Hosea am Bawipa naw a pek ah ng’thu ah kyak ci. Cun sangung Judah ung Uzziah, Jotham, Ahaz la Hezekiah gui cu ghangpughang ah kyak ci gui. Israel ung Jehoash ah hta Jeroboam cu ghangpughang ah kyak ci.

EZEKIEL 1:3

A cu ah Babilonia khaw Chebar Tuinu pei ah, kei cu Bawipa naw na ng’thu püi sei ka ng’yak ci, ani ah huham ka gah ci.

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

2 TIMOTHI 3:16

Cacim Theing avan cu Khanpughi naw Mumcha hlüngtai nak awn ak be ah kyasei, thu thuuk m’theithang nak, m’cäi m’ä nak, cheishoh m’dang nak, sheitkat pyan nak, la düng sei ghin nak vai ah m’shümthein nak gui ah mawng ah kyak ci.

2 GHANGPUGHANG GUI 21:18

Manasseh cu si sei mang im dum ung k’phuh ci gui, cun cu Uzza ah dum ah kyak ci, cun kawn ah a hta Amon cu ghangpughang ah kya ba ci.

2 SHONTÄP NAK 33:20

Manasseh cu si sei mang im ung phuh ci gui, ani ah htapa Amon cu ani ah hnün ung ghangpughang ah kya ba ci.

JEREMIAH 22:11

Judah ghangpughang ah kya ne apa ah hnün ung ngo ba ciah Josiah ah htapa Joahaz ah mawng cu Bawipa naw shin cha ah pyen ci, “Ani cu shin ungka naw ahei ah hteit pyi ci nei, kä law ba khai nei.

2 GHANGPUGHANG GUI 21:26

Amon cu Uzza ah dum phuh hmun ung k’phuh ci gui, cun kawn ah a hta Josiah cu ghangpughang ah kya ba ci.