Biblia Todo Logo
Bib sou entènèt

- Piblisite -




ZEKHARIAH 9:9 - Cho Bible Common Language 2016

9 Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

Gade chapit la Kopi




ZEKHARIAH 9:9
43 Referans Kwoze  

Bawipa naw, “Jerusalem chang gui aw, yei ne ng’äi m’cu vä! Kei cu nami ng’lung ah ka om khai ah ka lawk ci ne!” cik ci.


Ang düihpüi gui naw ng’se hta cu Bawipa Jesuh ah om nak ah law püi u netah, ami suisak gui cu ng’se ah khan ah phah ci gui.


“Kei bäng nei Bawipa ah ka kiak, kei bäng naw nei, nangmi ka ning hun gui hning ci.


Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.


Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!


Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”


Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.


Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”


Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.


Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.


Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.


Cunnak vaisü ung ngami naw Bawipa ami Khanpughi la David ah htangshon, kei naw ghangpughang ah ka hmoh law vai ah abii cu loik khai gui.


Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.


Thu kyom gui ka m’lung ung be ci, Shin ah ng’äi cu ghangpughang-am ka guk nei. Ca akni ah gu thei ciah guk nak ah mäih ah, ka m’gawng m’lei cu kyasei ng’äi awm om ci.


Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.


“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.


Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.


Ani ung a hta thum-kip om ci, ngami cu ng’sela thumkip ng’cum ci gui. Ngami naw Kilead khaw ung mang gaw thum-kip uk ci gui, cun gui cu tuh güt Jaira pigaw gui ah pyen ci gui.


Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;


Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.


Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.


“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.


Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”


Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.


Cun ah kyasei Zadok, Nathan, Benaiah la mang im ngäng gui naw Solomon cu ghangpughang David ah ng’sela ung ng’cum sak neta Kihon tuihta ah hteh püi ci gui.


Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”


Nangmi cu mei naw ning m’di gui khai. Nami si cu nami mät ah khaw ung ng’huk khai, a u naw phi kä ning shüm ba gui khai.” Bawipa naw a pyen nei.


Nang Jerusalem, Khanpughi naw, htoshäm ah mäih ah a chang gui am htei nak ah uknak khaw ah mang gaw ah na kya ba khai, cun cu nangmi ah ka ah kyak ci.


Swiv nou:

Piblisite


Piblisite