ZEKHARIAH 9:8 - Cho Bible Common Language 2016

⁸ Kei naw ka khaw cu ka ngäng khai. Gakap gui naw kä kaan khai gui ah ka k’pang khai. Chang shedam na man ci naw phi kä shedam naba gui khai. Ka chang gui A i hlawk ah ami khüikha cu ka hmu pyi ci nei.”

ZEKHARIAH 9:8 Referans Kwoze

ISAIAH 54:14

Taga nak la düng nak naw nang cu ning khüi ghaat sak khai. Shedam nak la kyihkyawk nak ung nang cu na phyawng khai.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

JEREMIAH 31:12

Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

AMOS 9:15

Kei naw ka pek gui ah khaw ung ka chang gui ka m’düih gui khai, a u naw kä mawi ba gui khai.” Bawipa nami Khanpughi naw cun ah pyen ci.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

ISAIAH 52:12

Tuhbäi ung ang ghit ah nami hteh tak vai kä hlü ci; nami phiawn vai ah nami tha nak vai kä hlü ci. Bawipa nami khanpughi naw lam ning m’shüm gui ne apäng ung ning shungvong gui khai.

ISAIAH 31:5

Kha naw ang bu ah khan ah ngo ne, a hta gui a shungvong ah mäih ah, kei, m’gäi ciah Bawipa naw Jerusalem cu ka shungvong khai, ka ghung khai.

SAM 72:4

Dukhaih ci gui cu ghangpughang naw hmai kiang ne m’taga gui sä; cawi gha ci gui cu m’hteinghtang gui sä, ngami shedam na gui cicu hnim gui sä.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

PHYAWN NAK 3:9

Ka chang gui ah kyah cu akcang ah ka ng’yak ci, Egypt chang gui naw a i hlawk ah ami shedam nak gui phi ka hmuk ci.

THU PHLAAN 20:9

Ngami cu khomdek khan avan ung püi u ne, Khanpughi ah chang gui ah ng’düm hmun la ani ah m’hni ah mang gaw cu khaai yawp ci gui. Cun ung phi khankho ah kaa meidäi kya law ne, ngami cu ui gui yawp ci.

LAMKTU 7:34

Ka chang gui Egypt khaw ah ami shedam nak gui cu, ka hmu pyi ci nei, Ngami ah ng’hlaw ng’ei m’lau ng’pyan phi kang yah pyi ci nei. Cun ah kyasei ngami ka hun gui khai ah ka kyum law pyi ci, Tuk bäi law ä, Egypt khaw ah ka ning tüi khai” cik ci.

ZEKHARIAH 14:11

Chang gui cu phyawng m’htein ne om khai gui. Cun kawn ah tukthah m’dishum nak om ba khai.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

JEREMIAH 46:13

Egypt tuk khai ah Babilonia ghangpughang Nebukhadnezzar a law sangung Bawipa naw thu na pyen nak ci. Ani naw pyen ci,

JEREMIAH 46:2

Cun cu Egypt ung tün ci. Shin cu Egypt ghangpughang Neko ah gakap gui ah mawng ani naw a pyen ah kyak ci. Cun ah ghangpughang cu Babilonia ghangpughang Nebukhadnezzar naw, Jehoiakim Judah ghangpughang ah a kyak nak akum phli nak ung, Euphratis tuinu pei, kachemish ung a hnim ah kyak ci:

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 4:5

Zion m’htung khan la a cun ung ngbum ci gui ami van ah khan ah khaw hnüüp yah ung Bawipa naw khawmei cu tüi law ne, khawmü sangung meikhu la meikdäi khang cu tüi lawk khai. Khanpughi ah bäinang nak naw mang gaw avan cu küm ne shungvong khai.

2 GHANGPUGHANG GUI 24:1

Jehoiakim ghangpughang ah a kyak yah ung Babilonia ghangpughang Nebukhadnezzar naw Judah cu tu ne khokum thum ung hnim ne uk ci, cun ung phi akum thum ung ani naw hnungtuk püi ci.

2 GHANGPUGHANG GUI 23:29

Josiah cu ghangpughang ah a kyak sang ung, Egypt ghangpughang Neko cu Assiria uktu hun khai ah a gakap gui awn Euphratis Tuinu ung gawk lawk ci gui. Ghangpughang Josiah naw Egypt gakap gui khan gui khai ah law te ci, Mekiddo ung ng’tu u neta, ami ngawn ah kyak ci.

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

ZEKHARIAH 9:7

Ngami naw asi om ciah asa cu kä ei khai gui, ami hlawi sak gui phung kä ei khai gui. K’pawih ci gui ami van cu kei ah chang ah kyak khai gui, Judah pakhui ah pa ng’pai tumat ah mäih ah kyak khai gui. Ekron gui phi kei ah chang ah kya u ne, Jebusit ah mäih ah kyak khai gui.

2 GHANGPUGHANG GUI 19:34

Kei naw shin ah mang gaw cu kamät ah ng’tam nak vai ah ghung ne ka m’htei khai, a i ah kyasei ci ung kei naw ka changshäm David ung a cun ah shai ka tak ah kyak ci.”

NG'THU K'THUUK~ 3:25

Nangmi naw cun ah mäih leigai cu kä nami kyihkyawk vai. Cun cu pui khaw khi ah mäih ah lawk ciah akshe kha ah kyak ci.

ZEKHARIAH 12:4

Cun ah khin ung ami ng’se gui avan la ng’cum ci gui avan cu aknui ah ka ang sak gui khai. Cun ung phi Judah chang gui cu ka ngäng gui khai, ami ga gui ah ami ng’se gui ah ami mik ka m’dauh sak gui khai.