ZEKHARIAH 9:6 - Cho Bible Common Language 2016

⁶ Ashdod mang gaw ung changpakhui gui ng’caw ne om khai gui. Bawipa naw, “Philistin chang gui ah chang ah ng’shei nak avan cu ka hnim khai nei.

ZEKHARIAH 9:6 Referans Kwoze

AMOS 1:8

Kei naw Ashdod la Ashkelon mang gaw uktu gui cu ka m’hnawn gui khai. Kei naw Akron mang gaw cu ka m’kyuk khai, ami k’pawih nak gui ah Philistin gui ami van sik khai gui.”

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

ZEPHANIAH 2:10

Moab la Ammon chang gui cu chang k’awm ne, m’ghämce u ne, A hlüngtai säih Bawipa ah chang gui cu päipih u ne ami kyak ah phäh ah m’kyuk nak gah khai gui.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

ISAIAH 23:9

M’gäi ciah Bawipa naw a pawng püi nei. Shin ah a pawng püi cu ami bi lawh ah khan ah chang ah ami ng’shei nak aung pyi nak vai la a mi m’tamkhah ah chang gui yuk buh nak vai ah kyak ci nei.

THUSHÄUTU 6:2

Khanpughi naw chang tumat am, khawh, m’tamkhah nak, la bühmang nak, ä, ang yak hlü nü pek ci, cun ung phi a cun gui naw ani kä yeikyai sak ci. Cun nak vaisü ung chang thai tumat cu yeikyai sak khai nei. Cun cu a kholä nei, avan hma ci nei.

JEREMIAH 47:1

Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

ZEPHANIAH 2:4

Kaza gawnu cu a u naw kä om na ba khai, Ashakelon cu khaw chawng ah kyak khai, Ashdod ung chang gui cu hnüüp m’cawt ung k’täm gui khai, Ekron ung chang gui phi ami mang gaw ungka k’täm gui khai.

ZEKHARIAH 9:5

Ashkelon mang gaw naw acun hmu neta kyi kyawk khai. Kaza mang gaw naw acun hmu neta, geinvai ne m’neh khai. Ekron mang gaw la ang ngai u avan phi payak khai. Kaza ghangpughang phi maih khai, Ashkelon mang gaw phi ang gawng ah om khai.

ZEKHARIAH 9:7

Ngami naw asi om ciah asa cu kä ei khai gui, ami hlawi sak gui phung kä ei khai gui. K’pawih ci gui ami van cu kei ah chang ah kyak khai gui, Judah pakhui ah pa ng’pai tumat ah mäih ah kyak khai gui. Ekron gui phi kei ah chang ah kya u ne, Jebusit ah mäih ah kyak khai gui.