ZEKHARIAH 9:4 - Cho Bible Common Language 2016

⁴ Cun ung phi ani ung om ci phung avan cu Bawipa naw heng yawp khai. Ani ah khawh chaam avan cu tuinu ung shum yawp khai, mang gaw phi m’dek ung khiit khai ah mei awn m’khih khai.

ZEKHARIAH 9:4 Referans Kwoze

EZEKIEL 28:18

Nang naw yoi ne hleih ne akshe gui na bik ci, cun ah kya ne; na khawihnah nak ah hmun gui cu shekhak ci. Cun ah kyasei kei naw mang gaw cu mei awn m’khih ne, m’dek ung khüt khai ah ka uih sak ci. Cun ah kyasei tuhbäi nang ning teng ci gui ami van naw nang cu m’vut ah kyak ci sei ning hmuk ci gui.

EZEKIEL 26:17

Ngami naw shin ah ng’äi kyah cu nang ah phäh ah m’cu khai gui: Mingthang ciah mang gaw di ci nei! Ani ah htinpaw cu tuinu ungka nawt heng pyi ci nei. Shin ah mang gaw ung om ciah chang gui naw tuinu cu uk ci gui. Tuinu kem ah om ci gui ami van cu kyi kyawk ci gui.

AMOS 1:10

Cun ah kyasei kei naw Tire mang gaw paang ah khan ah mei yuk chah ne, amang paang cu ka m’khih khai.”

JOEL 3:8

Kei naw nami hta hnumi, hta pami gui cu, Judah chang gui ah ka yoih sak gui khai; ngami naw mä shonu ciah Sabean gui ah yoi ba gui khai gui, kei, Bawipa naw ka pyen nei.

EZEKIEL 28:16

Nang cu yoi ne hleih ne na tawt law ci, acun naw kiawimsaa nak la katnak ung ning hteh püi ci. Cun ah kyasei theingcim ciah ka khomhtung na hteh tak vai ah ka ning k’tut ci, nang ning ngäng ciah khanchang naw nang cu pyü ciah lungka ning k’täm ci.

EZEKIEL 28:8

Ngami naw nang cu ning ngawn u neta tui ng’phuh hmun ung ning tha khai gui.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

NG'THU K'THUUK~ 11:4

Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.

NG'THU K'THUUK~ 10:2

Kä düng ci bi na gah ah khawh naw kä akni ah ning kyak sak khai. Cun ung phi düng ci naw hnun gui hun ci.

ISAIAH 23:11

Bawipa naw tuinu ah khan ah a kut shäng ne, uknak kho gui cu shet sak ci nei. Ani naw Phoenician sumlei hmun gui m’di vai ng’thu k’bäi pyi ci nei.

ZEKHARIAH 9:5

Ashkelon mang gaw naw acun hmu neta kyi kyawk khai. Kaza mang gaw naw acun hmu neta, geinvai ne m’neh khai. Ekron mang gaw la ang ngai u avan phi payak khai. Kaza ghangpughang phi maih khai, Ashkelon mang gaw phi ang gawng ah om khai.