ZEKHARIAH 9:3 - Cho Bible Common Language 2016

³ Tire naw mät ah phäh ah gaw k’paang sa ne, m’vut khui chü ah da ciah ghui ngui ng’peeih cu m’küm ci.

ZEKHARIAH 9:3 Referans Kwoze

EZEKIEL 27:33

Nang ah khawh cham cu a khohei yung ah gawk sei, khang pakhui päng ah ng’zak hlü cu nang naw na be sak ci. Ghangpughang gui cu nang ah bämang ciah na khawh gui awn bühmang ciah na khawh gui awn bühmang ci gui.

JOB 27:16

Chang omshe gui ung khei khit vai ah ngui akda aih om khai, chang ahei gui ah ta ami suisak da pi khai.

2 SAMUEL 24:7

Cun ungka naw a htum lam khäng ciah mang gaw Tire ah hteit ci gui, cun ungka naw Hivit gui la Kanaanit gui ah mang gaw avan ung hteit u ne, ak hnu ah Judah khaw a htum lam Beersheba ung khüt ne hteit ci gui.

JOSHUA 19:29

Cun ungka naw khogii cu ng’hlat ne, Ramah ung gawk ne, mang gaw paang Tire ung gawk ci. Cun ungka naw Hosah täng ah ng’hlat ne, Mediteranean tuinu ung khüt ci. Acun ung Mahalab, Achzib,

ISAIAH 23:8

Tire cun ah bawi mang gaw ung, ung shin gui avan law püi vai ah law püi cicu a u ung, a u sumlei mang hta gui ang khomdek khan ung m’tamkhah pi vai a kiak?

JOB 22:24

Na ghui cu ghawt ä, na ghui ng’ciim cu hmawi chawng ung nawng ä.

1 GHANGPUGHANG GUI 10:27

Ani ah uk sang ung ngui cu Jerusalem ung lung ah mäih ah da ne, cedar sing cu Judah khawng nawi ah sing k’pyou ah mäih ah da ci.

1 GHANGPUGHANG GUI 10:21

Solomon ah a awk nak ah khap gui avan cu ghui awn pyan ah kyak ci, Lebanon Bung Imnu kyong ah khawh avan cu ghui bäng awn pyan ah kyak ci. Solomon ah khin ung ngui cu a phu kä m’küih u ne, a i ngui phi kä mang ci gui.

ISAIAH 23:11

Bawipa naw tuinu ah khan ah a kut shäng ne, uknak kho gui cu shet sak ci nei. Ani naw Phoenician sumlei hmun gui m’di vai ng’thu k’bäi pyi ci nei.

EZEKIEL 26:12

Nami ga gui naw nami khawh gui, nami khawhcham gui cu lak khai gui. Ngami naw nami paang gui cu buh tawn u ne, nami im kyom gui cu gäi khai gui. Ngami naw lung gui, sing k’peen gui la im ami phyet gui avan cu la ne tuinu ung shum khai gui.

EZEKIEL 27:34

Tuhbäi nang tuinu ung na ng’phye pyi ci; Nang cu tuinu k’thuuk ung na hnim ci. Nang ah khawh gui la na bii k’bi gui avan cu nang awn atäng ah tuinu ung maih yawp ci gui nei.

JOB 3:15

Ami im ghui la ngui awn be sak ciah manghta gui ah mäih ah kei cu ka ih ung,

EZEKIEL 27:27

Nang ah na khawh gui avan, htinpaw ung bi bik ci gui avan, na htinpaw cokyang ci gui la na sumlei ci gui, htinpaw khan ah gakap nü nü gui la, na htinpaw a shet sang ung avan van cu tuinu ung maih yawp ci gui.

EZEKIEL 28:1

Bawipa naw na ng’thu püi ci,

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.